وجه حارس مرمى الأهلي السابق والإعلامي أحمد شوبير عبر برنامجه الإذاعي مع شوبير المذاع عبر موجات راديو أون تايم سبورت إف إم، رسالة من العيار الثقيل لمنتقدي محمد صلاح بعد رسالة تعازيه للملكة اليزابيث.
وقال شوبير:" هي الناس عايزة أيه من محمد صلاح، الولد ده محدش ليه فضل عليه غير ربنا ونفسه ولد مكافح ومجتهد الولد شق طريقه منذ الصغر".
وتابع:" محمد صلاح كان مصدق في نفسه أنه هيبقى حاجة عشان كدة كل الأندية بقت عايزاه".
وواصل: "محدش توقع نجاح صلاح بهذه الطريقه ويكون كتفه في كتف ميسي ورونالدو على منصات التتويج العالمية".
واستكمل:" سيبوه براحته، سيبوه في حاله، تعزيه محمد صلاح للملكة إليزابيث كان تصرف ذكي من صلاح وكان هذا واجب على جميع لاعبي الدوري الإنجليزي".
وأشار:" حضرتك جاي تفتكر الإنجليز عملت ايه بعد تويتة صلاح خلاص كلكو الوطنية وخداكو أوي كدة".
وختم شوبير: "كلنا بنحب بلدنا واللي عمله محمد صلاح عشان بلده أكثر 10مليار مرة من الناس اللي بتكتب دي الولد له مواقف إنسانية ووطنيه عديدة".
تابعوا أخبار بلدنا اليوم على Google News
