طرحت عبير أحمد، مؤسس ائتلاف أولياء أمور المدارس الخاصة، وإتحاد أمهات مصر للنهوض بالتعليم، موضوع هام للنقاش بين الأمهات من أولياء الأمور بمختلف المراحل التعليمية، تضمنت: "كلمونا عن طريقة تربيتكم لأبناءكم وايه أفضل أسلوب ينفع نتبعه معاهم.. خلونا نفيد بعض".
وأكدت عبير، علي أهمية وضرورة أن يتم متابعة الأبناء بشكل مستمر وتربيتهم تربية صحيحة حتي نعمل علي تخريج جيل قادر وسوي ومتميز للمجتمع ولبلده.
وتفاعلت عشرات الأمهات من أولياء الأمور علي صفحة إتحاد أمهات مصر للنهوض بالتعليم، وائتلاف أولياء أمور المدارس الخاصة، في الفيس بوك، حيث قالت ولي أمر: "أنا معايا بنوتين بصراحه التربية مختلفة بحكم السنين بينهم، لكن تربية البنات بصراحه جميلة عن الأولاد بيسمعوا الكلام بيفهمونى من غير ماتكلم، أهم حاجه نربي أولادنا عليها هى الدين والأخلاق والحلال والحرام وحب الخير للغير وربنا يحفظ أولادنا جميعا يارب".
وأضافت ولي أمر: "الصداقة بين الأم والأبناء، والثقه فيهم دايما، عدم العقاب بالضرب نهائي"، وتابعت أخري: "مصحباهم ودى أحسن حاجه عن تجربة".
"أولا التربية رزق من الله قبل ما تكون شطارة، ثانيا عليكم بالقرآن الكريم والصلاة، ربو الضمير في عيالكم عرفوهم الحلال والحرام.. ساعتها يبقا عرفتو تربوا صح"، تستكمل ولي أمر أخري: "من تجربتي لازم نكون هاديين ولازم التربية الطبع اللي يسود عليها الحنيه والتسامح لأنهم هيتعلموا دا مننا لو قسينا وعاقبنا بشكل مبالغ فيه هنعلمهم القسوه لأن للأسف عن تجربه الأطفال لما بيكبروا مش بينسوا أي فعل أو أي قسوه غير مبرره وبتأثر علي حياتهم وعلاقتها بينا بعد كده".
وذكرت أخري: "بصاحبهم وبنزل لسنهم، وقت الجد جد ووقت اللعب هزار وضحك، وبكدة بقدر أوصل للي في دماغهم وعلي كدة بعرف اتعامل معاهم".
تابعوا أخبار بلدنا اليوم على Google News
