أشاد الإعلامي أحمد موسى، بنجوم مصر في منافسات دورة ألعاب البحر المتوسط في الجزائر، مشيرا إلى أن البطولة شهدت ظهور العديد من أبطال مصر الرائعين في العديد من الألعاب.
وأضاف الإعلامي أحمد موسى، خلال برنامجه التليفزيوني، «على مسؤوليتي»، عبر قناة «صدى البلد»، أن البطولة أفرزت موهبة مصرية رائعة وهي العداءة بسنت حميدة، في بطولة السباق الـ 100 متر «عدو»، قائلا: «بسنت الله عليكي النهاردة تقدمت في سباق 200 وبقت في الصدارة ورقم واحد وتصدرت تصفيات الـ 200 متر و هتلعب على النهائي».
وتابع الإعلامي أحمد موسى: «بسنت بطلة مصرية واعدة قادمة بسم الله مشاء الله عليها البنت كانت بتبكي وهي بتسخن وتستعد كان معها 7 أفراد من السيدات وقدرت تتصدر وهتعلب النهائي بكرة وإن شاء الله هتكون في أولمبياد باريس 2024.
وقال الإعلامي أحمد موسى: «مكنش عندنا ألعاب القوى كنت ديما بشوف من جامايكا وإثيوبيا ليه مش عندنا يقولك أصل عندهم الهضاب والحرارة مصر عندها نقول في تدريب ومدرسة رياضية عندنا قوة الأداء.. بسنت كانت صاروخ بيجري على الأرض وفي مصر عندك النماذج العظيمة.. بنت مصرية شابة ولا أروع».
واصل الإعلامي أحمد موسى: « جمال إيه وعظمة إيه قوة إيه المصريين لازم يشوفوا العظمة اللي عملتها بسنت حميدة.. علم مصر كانت موجود في البطولة.. كل التحية للجمهور الجزائري على مؤازرة المنتخبات المصرية في مختلف الألعاب.. أنتي يا بسنت كلك ذهب بتقدمي نموذج للبنت المصرية اللي تتحدى أي حاجة في الدنيا من تركيا ومن كل العالم بلعب على الذهب وأتحدى الصعاب .. تركيز كبير لبسنت حميدة ينطلق على أرض وهران علشان تحصد الذهب».
وأوضح الإعلامي أحمد موسى، قائلا: «مدربها مصري اسمه محمد عباس اللي عملته بسنت فخر لينا كلنا واللي شوفته النهاردة حاجة إيه كل شوية أتفرج عليها علم مصر في الجزائر واللى علمته رسالة وإنجاز كبير يا بسنت».
تابعوا أخبار بلدنا اليوم على Google News
