شنت المطربة شذى هجوما عنيفا على تصريحات مطرب المهرجانات حسن شاكوش، بعد ظهوره فى أحد البرامج التليفزيونية ليلة أمس، الاثنين، وذلك عبر صفحتها الشخصية على موقع التواصل الإجتماعي "فيسبوك".
وكتبت شذى منشورا قائلة:"لقاء حسن الشاكوش النهارده ده بنسبالي كوميديا سوداء وهبد غير طبيعي! كنت بضحك وعايزة أكسر التليفزيون من كمية الاستفزاز، وبالأخص الجزء بتاع الرد إن حماقي أصلا سارق اللحن من أغنية تركي؟؟؟ وأساسا الأغنية التركي نازلة بعد أغنية حماقي بسنتين على الأقل! وإن أغنية حماقي من ٢٠١٢ جايبة ١٦ مليون بس؟؟؟؟؟؟!!!".
وتابعت شذى منشورها قائلة: "نقف بقا هنا، أولا لما نجحت أغنية وسارق لحنها طيب كنت من باب العلم بالشيء ثقف نفسك واعرف تاريخ اللحن ده إيه، ومين اللي واخده من مين! تاني حاجة قصدك إيه بأغنية حماقي جايبة ١٦ مليون بس؟ إنك أجمد وكده من حماقي!!! ما هو مش معنى إن في هوجة وانحدار في الذوق تتخيل إنك جامد أوي، وتتكلم بتعالي كأنك مغني قصيدة الأطلال!".
وأضافت شذى: "والله أمثلة بجد تكره الواحد في اليوم اللي فكر يسيب فيه حاجات كتير بيحبها علشان يخبط في العالم دى، ولقب فنان ده يتقال على كل من هب ودب، وبقا مقياس النجاح وتقدير حجم الموهبة مربوط بـ views وحسابات أبعد ما تكون عن المهنية والفن، لنا الله والله".
يذكر أن مطرب المهرجانات حسن شاكوش، قال إن مهرجان "بنت الجيران" خاص به ولا يخص المطرب محمد حماقي.
وقال حسن شاكوش، في حواره مع الإعلامي عمرو أديب في برنامج "الحكاية" المذاع على قناة "إم بي سي مصر": "بنت الجيران بتاعتي مش بتاعت حماقي".
وأضاف حسن شاكوش قائلا: "محمد حماقي عمل أغنية اسمها حاجة مستخبية وقالوا إننا واخدين لحن بنت الجيران منها".
وتابع حسن شاكوش: "دخلنا في مفاوضات مع شركة حماقي وتوصلنا إلى تقسيم إيرادات أغنية بنت الجيران بيننا".
وذكر حسن شاكوش: "اللي عرفته إن لحن أغنية حاجة مستخبية مسروق من لحن تركي"، واستطرد: "بنت الجيران جابت إيرادات 100 ألف دولار".
تابعوا أخبار بلدنا اليوم على Google News
