تامر حسني يعبر عن سعادته باستخدام أغانيه في مشروعات التخرج

عبر نجم الجيل تامر حسني عن سعادته باستخدام مجموعةً من الشباب أغنيته "الموضوع فيك"، ضمن مشروع تخرجهم.

ونشر "حسني" مقطع فيديو لتتر نهاية المشروع، وصاحبته "الموضوع فيك"، عبر حسابه الشخصي بموقع "إنستجرام".

وعلق "حسني"، موجهًا رسالة تحية لشباب مشروع التخرج، وكشف أنه طلب من الله أن يحدث ذلك، وهو ما تحقق بالفعل.

وكتب "حسني" في تعليقه: "فرحة عمري، لما شباب عظيم من شباب مصر الواعد يستوحي مشروع تخرجه أو يقتدي بأغنية ليا".

وأردف: "زي الموضوع فيك أو مش تمثال أو قد التحدي".

وأضاف: "والله والله، وأنا بعمل الأغاني دي كانت دي نيتي أنها تتحس ويتعمل بيها، مش تتسمع بس".

وتابع: "والحمد لله اللي طلبته من ربنا حصل، عشان اللي بيطلع من القلب بيوصل للقلب".

وواصل: "مبروك شباب مصر العظيم ، يارب حياة جديدة كلها خير ونجاح وطموح لا ينقطع".

وأكمل: "ربنا يفرح أهاليكم بيكم، إنتو أملنا وإنتو النماذج المشرفة الحقيقية".

ثم أردف: "الحقيقة اتطلب مني كلمة أقولها للشباب، اللي بيتخرجوا"، ثم استدرك: "بس بكتب لينا كلنا".

وكشف "حسني": "اكتروا وخلوا إيديكم في إيد بعض، هفضل أقولها مفيش حل غير أنك تنجح".

واسترسل: "لما بتنجح كل الناس بتقدرك، واللي مكانش فاهمك ومصدقك بيصدقك و بيحترمك".

مضيفًا: "لما بتنجح بتبقى قوي ومرغوب فيك، لما بتنجح ربنا بيحبك وبيستخدمك، عشان تنفع غيرك".

وطالب الشباب بعدم البخل في النصيحة، قائلًا: "يا شباب يا جميل، متبخلوش على بعض بالنصيحة والكلمة الطيبة وفعل الخير".

وأوضح "حسني": "أي فكر شرير مهما كان كتير، لازم يلاقي قصاده فكر خير أكبر وأكتر".

معللًا: "عشان ننهض ببلدنا، ونسلمها لأولادنا أحسن من ما كانت في زمننا".

واستفاض: "هي دي رسالتنا كبشر، وكل حد فينا مادام بيصحى من النوم بيلاقي نفسه لسه عايش، لازم يعرف أنه لسه مطلوب منه مهام في الدنيا".

مردفًا: "لازم يعملها ويفرح أن ربنا مديله وقت وعمر يحقق فيه".

ولفت: "ومهما كانت الصعاب أنت لازم تبقى بطل قصة حياتك، عمركم سمعتوا عن بطل معندوش معاناة؟ مستحيل".

ونوه "حسني": "المعاناة دي اللي هتصنع منك راجل قد المسئولية، وهتبقى بسببها بطل في قصة حياتك".

متابعًا: "ومش عيب تبدأ من الصفر ياما ناس بدأت من تحت الصفر، ووصلوا لأكتر من أحلامهم، إنتو كمان هتوصلوا".

وأكد: "ثقوا في نفسكوا وخلوا يقينكم بالله أقوى شيء، صراع الدنيا صراع يقيني"، موضحًا: "صدق نفسك إنت تقدر وإنتي تقدري".

وأتم "حسني": "يعلم ربنا أنا بحبكوا قد إيه، ونفسي أشوف شباب الوطن كله ناجح وفرحان ومفرح أهله، مبروك يا أمل مصر".

A post shared by Tamer Hosny (@tamerhosny)

على جانب آخر، ينتظر "حسني" عرض أحدث أفلامه، والذي يحمل عنوان "بحبك"، والمقرر طرحه بالسينمات، خلال موسم عيد الأضحى القادم.

علمًا بأن الفيلم هو أول تجربة إخراجية لـ"حسني" في السينما، وذلك بعدما قام من قبل بإخراج كليبات غنائية.

حيث أصبح "حسني" فنانًا شاملًا، فهو مطرب، ممثل، مؤلف ومخرج.

"بحبك" بطولة، تأليف وإخراج تامر حسني، ويشاركه في بطولته هنا الزاهد، هدى المفتي، مدحت إسماعيل، أحمد عزمي، سمر متولي وآخرون.

يذكر أن آخر أعمال الفنان تامر حسني فيلم "مش أنا"، والذي طرح في موسم عيد الأضحى الماضي، ولاقى نجاحًا كبيرًأ.