وجه مؤدي المهرجانات حمو بيكا رسالةً إلى جمهوره من طلاب الثانوية العامة، قائلًا: "رسالة لطلاب الثانوية العامة و الكليات".
وأضاف: "هو انا اه مش متعلم و اخدت ( محو الأمية ) بالعافية، لكن ده مش حاجه تفرح ولا تقول ( عندك بيكا اهو مش متعلم بس ناجح )".
وأردف: "صدقوني و الله طعم النجاح مع العلم مختلف تمامًا عن طعم النجاح من غير علم ، العلم بيفرق في كل حاجه في الدنيا".
وعن معاناته، بسبب عدم تعلمه: "كمية معاناه بشوفها يوميًا، بسبب اني مش متعلم كبيرة اوي".
وأكمل: "مش بتمنى حد منكم يشوفها أو يتعرض لها ، العلم بيستر كتير اوي و بيخليك واعي و متفتح في كل مجالات الحياة".
وتابع: "هو اه الشارع علمني كتير ، بس مش زي المدارس و الجامعات".
واستدرك: "حتي لو مش هتشتغل بشهادتك و حتي لو دخلت كلية مش بتحبها ، بس يكفي انك متعلم و معاك شهادة تقدر تسد بيها عين الشمس".
واستكمل: "اتعلموا و خلوا بالكم من تعليمكم و شهداتكم، لأنها هتفرق كتير اوي معاكوا و مع عيالكم بعد كده".
وأتم مؤدي المهرجانات حمو بيكا رسالته: "انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم".
https://www.facebook.com/1157490624271079/posts/5481572908529474/
تابعوا أخبار بلدنا اليوم على Google News
