قالت الفنانة نيللي كريم ان نقطة بدايتي كانت في إسكندرية بحكم إني اتولدت فيها، بدأت أتعلم الباليه من وأنا عندي اربع سنين بس طبعًا كانت هواية، جاء ذلك خلال حوارها لبرنامج ع اللوكيشن الذي يذاع علي راديو هيتس والبرنامج من تقديم شريف الليثي .
و أضافت روحت روسيا قعدت عشر سنين و خلصت ثانوية عامة هناك و اتعلمت باليه و موسيقى، و كنت بدرس باليه في أكاديمية الفنون قسم إخراج مسرح .
أما عن محطاتها المهمة فقالت من ضمن محطات حياتي المهمة محطة الفوازير من خلال أستاذتي دكتورة ماجدة عز و كان اقتراح أستاذ يحيي العلمي .
مع اني كنت شايفة الكارير بتاعي باليه بس والمحطة التانية في حياتي لحظي الحلو شافتني سيدة الشاشة العربية فاتن حمامة وخلتني أمثل معاها في مسلسل "وجه القمر"، وكنت عاملة دور بنتها.
و تابعت وبعد كل دة كنت حاسة إن عمري ما هسيب الباليه لحد ما قابلت المخرجة العظيمة كاملة أبو ذكري و عملت معاها فيلم "واحد صفر".
واتعلمت ان مفيش أي حاجة بتيجي بسهولة، أي حاجة علشان توصلها بتقعد تعافر وتعاند مع نفسك وكل حاجة محتاجة صبر و شغل، و عملت حاجات راضية عنها و حاجات مش راضية عنها و حاجات كانت ممكن تبقي احسن لكن كل حاجة بتيجي بالتدريج، و أهم نقلة في حياتي كانت مسلسل "ذات"، و مسلسل "سجن النسا" كان محطة مهمة جدا في حياتي، و كان حظي حلو إني اشتغلت مع الأستاذ عادل إمام في فيلم "زهايمر" .
تابعوا أخبار بلدنا اليوم على Google News
