عارفة عبد الرسول عن رحمة أحمد: "لما شوفتها كأن حلمي أنا اللي بيتحقق"

أشادت الفنانة عارفة عبد الرسول، بموهبة الفنانة الشابة رحمة أحمد، وذلك بعد تألقها في دور "مربوحة"، والذي تجسده ضمن أحداث مسلسل"الكبير اوي".

وكتبت عارفة عبد الرسول، عبر  حسابها الخاص، بموقع التواصل الإجتماعي على "الفيسبوك":"زمان واحنا بنعمل مسرح أنا وزملائى،كنا دايما عندنا حلم أن فنان كبير يشوفنا، ويقول لنا تعالوا أنا حاكتشفكم، وكتير منهم شافونا وكنا بنبقى فى منتهى الحماس لوجودهم، وأول ماينتهى العرض تحصل سلامات وبرافو ياولاد وكلام كتير، لكن عمر الحلم ما اتحقق".

وأضافت عارفة عبد الرسول، قائلة: "لما شوفت رحمة فى الكبير قوي، رجعت تلاتين سنه لورا، وكأنه حلمى أنا اللى بيتحقق، وشاعره بكل الحب والإمتنان للى اكتشفوها،فى حب أحمد الجندى المخرج، وأحمد مكى الكبير قوى قوى".

يذكر أن الفنانة رحمة أحمد، قد عبرت عن سعادتها بالتعليقات الإيجابية، التي تلقتها عن شخصية "مربوحة"، في مسلسل "الكبير أوي6".

وكتبت رحمة أحمد في منشور لها عبر حسابها الشخصي الفيس بوك: أنا مش عارفة أعبر عن احساسي بالامتنان، الحمدلله والشكر لله اي حاجة حلوة حصلت، او اتقالتلي ده كرم كبير اوي من ربنا، يمكن اكبر من اللي استحقه". 

وأكملت تعليقها قائلة:"عاوزة اقول ٣ نقط، الأولي وهفضل اقول البوقين دول، كل ما حد يشاور النقطة دي أن فنانة زي دنيا سمير غانم لا تقارن بحد، أنا مش حد خالص، أنا من فانز دنيا سمير غانم، لأن لو اتحطينا في مقارنة من المؤكد أني أنا اللي هبقى خسرانة". 

وأضافت رحمة وكتبت:"الثانية بعد توفيق ربنا، أن فنان زي أحمد مكي، يدي مساحة لحد يقول حاجة، مبتحصلش من أي فنان موجود عالساحة، الراجل ده عنده اللي يكفيه وزيادة، أنه يسيب فنان قدامه يقول وهو سايب ايده، مهما اتكلمت عنه مش هوفيه حقه فنيا ولا انسانيا".

وتابعت رحمة كلامها وقالت :"المبدع أحمد الجندي ميتخيرش عنه، يسيبك تقول ويعليك ويركبلك شغل، وذكي يعرف يطلع ضحك من أي شخصية، ويحطها في مكانها الصح".

واختتمت رحمة تعليقها:"الثالثة ليك انت يا حبيب قلبي، أخويا الكبير الداعم المستمر بكل الطرق،صادق في فرحته، أنا مهما حكيت عاللي عملته معايا عشان اوصل أني ابقا في عمل من اهم الاعمال في رمضان، مش هكفي فيك كلام، شكرا أحمد أمين الأخ والفنان والإنسان، إنك دايما جنبي أحمد أمين، أحمد مكي، أحمد الجندي، أنتو مكسب لأي فنان ولأي شخص، وبشكر ربنا دايما أن ربنا كتبلي أني اعرفكو، وشكرا لاي حد دعمني حتي لو بكلمة كويسة، وبالاخص صلاح الدالي، فنان هياخد حقه كويس جدا ويستاهل اكتر بحبك يا صلوحة، شكرا لاي حد وقف جنبي، واللي اداني ضهره وربنا لاوريك".