قالت دكتور مي مجدي واستشاري التغذية العلاجية والسمنة والنحافة، إن شهر رمضان مفيد جدا للجسم، هو فرصة إنك تبدأ على عادات صحية وتستمر عليها بعد الشهر الكريم، جاء ذلك خلال مداخلة هاتفية لبرنامج اللمة أحلي الذي يذاع علي شعبي FM خلال شهر رمضان الكريم والبرنامج من تقديم مجموعة من مذيعين الاذاعة.
و أضافت ان العناصر الغذائية المهمة علي الفطور، بعد 16 ساعة صيام مهم إننا نفطر علي تمر أو خشاف صغير، وتدي 10 دقايق فرصة وترجع تأكل مثلا شربة، و كل أنواع الشربة حلوة جدا ومفيدة معادا شوربة الكريمة عشان ثقيلة، ومهم تقسم طبقك بنوع واحد من البروتين والخضار وجزء نشويات.
وتابعت غير عاداتك ماتبدأش بسكر كتير وعصائر لأنه بيرفع السكر وبيعمل عسر هضم، تمر مع لبن أو خشاف هيكون هادي، كل اللي نفسك فيه بس قد كبشة الإيد.
وأما علاقة الحالة النفسية بالأكل، نصيحتي لك أشرب كباية ماية لو أنت إتعصبت، لأن العقل مش بيعرف يفرق بين نقص المية والعطش أو الأكل، إلعب رياضة وألهي نفسك عن الأكل، وبالتدريج هتعود نفسك علي الحاجات دي، إنت بتدرب عقلك إنت هتلجأ للأكل أو عادة من العادات الصح.
تابعوا أخبار بلدنا اليوم على Google News
