مفيش تنافس ولا تعاون.. حمادة هلال يكشف عن علاقته بـ حمو بيكا

قال الفنان حمادة هلال، عندما حل ضيفًا مع الإعلامية أسما إبراهيم، في الجزء الأول من الحلقة عن بداياته في المشوار الفني، وكذلك عن زملائه بالوسط الفني.

وأكد: "معنديش منافس ومنافسي الوحيد هو حمادة هلال لأني مش بقارن نفسي بحد وممكن أغني أغاني ملهاش علاقة ببعض".

وعن حمو بيكا قال:" مفيش تعاون بيني وبين حمو بيكا، كما أشيع أنا بحب خفة دمه،

حمو بيكا، لو ركز في التمثيل هينجح جدا وهيكون زي طلعت زكريا".

وتحدث عن مؤدي المهرجانات، حسن شاكوش، أن صوته حلو حتى من غير موسيقى وبذكائه الناس حبته وأنا ضد إنه يغيره، معجبنيش الفيديوهات اللي نزلت بعد أزمة شاكوش مع رضا البحراوي".

وعن بهاء سلطان قال:"الشيطان دخل بين نصر محروس، وبهاء سلطان، والأمور صفيت".

وعن شيرين، وبهاء، أضاف: "من الأصوات اللي بحب أسمعها شيرين وبهاء سلطان، وبهاء أطيب إنسان شوفته في حياتي وأذكره بالخير لأني مشوفتش منه غير كل خير.

وعن أغنية" مسطول"، علق: "غيرت كلام أغنية مسطول في حفلاتي من عيلة واطية ونصابة إلى عيلة مليانة طيابة بسبب موقف ضرب أب لابنه لما قال كوبليه عيلة واطية ونصابة".

وعن حبه للمطرب محمد حماقي، قال:" من بين نجوم جيلي وشايف إن خطواته ثابتة ومركز في الغنا بس وعمرو دياب، ابتعد عن التمثيل لما لقاه هياخده من الغنا".

وأردف عن أول أجر أخده في فرح كان 5 جنيه،واستكمل:"بحب العيال حبيبة، أكتر من عيال هربت، والمداح، المسلسل الأقرب لقلبي".