حمو بيكا: "أنا عاوز أكل عيش مش بنام من التعب والتفكير"

كشف مؤدي المهرجانات حمو بيكا، عن عدة تصريحات في بث لايف عبر حسابه بموقع التواصل الاجتماعي كشف فيها استمرار معاناته بسبب عدم تمكنه من العمل داخل مصر.

قال "بيكا":" مش بعرف أقرا ولا أكتب والناس حبتني عشان قالوا عليا قلبي أبيض، وانا مش شغال في بلدي أنا شغال برة مصر وبلدنا فيها قانون وهاخد حقي من نقابة الموسيقيين بالقانون اللي جات عليا وعلى لقمة عيشي وحياتي.

واضاف:" جنسيتي مصرية ومش عارف اشتغل فيها وفيه أجانب وشغالين في بلدي، والبلد فيها قانون وهاخد حقي من النقابة بالقانون وإزاي ناس النقابة قالت عليهم مزورة ومسجلة وخدوا الكارنيه بعد أسبوع أنا هكشف كل حاجة وبالقانون.

وتابع:" كل واحد وقف في مستقبلي هقوله هشوف فيك يوم وفي أعز ما لديك عشان أنت دمرتلي حياتي ومستقبلي، اما أكشف ظلم النقابة لي وهاخد حقي مش عاوز أمسك مايك تاني أو أغني، وحسبي الله ونعم الوكيل في كل واحد ظلمني ومش مسامح اي حد ظلمني.

وأكد:" أنا جبل مش هيهزني ريح وواقف على أرض صلبة وربنا معايا اللي أحسن من أي حد، أنا عاوز أكل عيش انا مش بنام من التعب والتفكير.