شاهد.. هجوم حمو بيكا على عمر كمال

شن مطرب المهرجانات المصري، حمو بيكا، هجوما على زميله عمر كمال، واتصفوا بالصاحب المزيف، لعدم رده على اتصالاته الهاتفية.

وقال حمو بيكا في بث مباشر عبر حسابه على موقع "انستجرام": "أنا اتصلت بعمر كمال فوق الـ7 مرة ومردش عليا، وبقى يشوف نفسه على الناس وأنا مش الناس دي، لأني كنت أول واحد يا عمر عملتلك أغنية والناس سمعتها يعني ربنا ثم أنا".

وتابع"بيكا": "عايز أقولك وريني هتنجح بنفسك إزاي ومتخليش حد ينجحك، وعايز أشوف مهاراتك، وأشوف شغلك، وعايزك لما تقابلني في حتة السلام بتاع ربنا متقولهوش، عشان كل الناس عارفة أنت إيه، وكل الناس برا أو جوا المجال عارفين أنت إيه".

وأضاف"بيكا": "يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش أمسحها دلوقتي ولا يهمني.. يا صاحب مزيف".

وصدر قرار في نوفمبر الماضي، من نقابة المهن الموسيقية في مصر برئاسة الفنان هاني شاكر بمنع 20 مؤديا للمهرجانات من بينهم حمو بيكا.

وبعد ذلك وجّه حمو بيكا رسالة اعتذار إلى المطرب هاني شاكر، نقيب الموسيقيين المصريين عبر حسابه في "فيسبوك"، طالبا السماح له بالغناء داخل مصر.

وقال: "أستسمح حضرتك أن تقبل اعتذاري.. أنت وكل أساتذتي في النقابة، أنا مكنتش طالب أكتر من أني أشتغل ومش طالب أكتر من التصريح السنوي، لأني عايز أشتغل وأشوف شغلي وحياتي".

كما كشف حمو بيكا في تصريحات إعلامية قبل أيام أنه لا يمانع في التخلي عن اسم "بيكا" لدخول نقابة المهن الموسيقية، مضيفا "أنا مستعد أغير حياتي كلها عشان أشتغل وأكل عيش، وأنا اسمي الحقيقي محمد محمود، واسم الدلع حمو، لو عايزين في النقابة يشيلوا بيكا ويحطوا أي اسم مفيش عندي مشكلة"

وكانت نقابة المهن الموسيقية قد وضعت مجموعة من الشروط؛ لمنح مطربي المهرجانات عضوية النقابة، تتضمن تغيير الاسم إلى أسماء مناسبة، بالإضافة إلى اجتياز الاختبار، وتقديم الأوراق الخاصة بالموقف من أداء الخدمة العسكرية.