بدرية طلبة توجه نصائح للزوجات: الراجل يستاهل نستحمله ولازم ندلعه

علقت الفنانة بدرية طلبة، على إشكالية عدم قبول الرجل الحديث مع زوجته بعد عودته من العمل، وإصرار زوجته على الحديث معه.

وقالت بدرية طلبة فى تصريحات تليفزيونية: "لو الراجل يستاهل نستحمله، خاصة لو جاي من الشغل تعبان ولازم ندلعه، وبعد كده نسمعه كل المواضيع خاصة إن المواضيع تخصه وتخصني وتخص العيال والراجل".

وتابعت بدرية طلبة: "لكن لو الراجل جاي من برة وكان مع صحابه المفروض يسمعني غصب عنه، الزوج رب الأسرة ولازم يتحمل ولازم يسمع لمراته عشان متلجأش لحد تاني".

الخلافات الزوجية

من جانبها، قالت وفاء قطب، أصغر مأذون شرعى فى مصر، إنها وثَّقت حالات طلاق بسبب عدم قدرة الزوج على التواصل مع زوجته.

وأضافت: "كان فى حالة الزوج مبيحبش يتكلم كتير، لكن الزوجة اجتماعية وهو كان مانع الموضوع ده، فحست إنه خانق عليها وعاوزها جنبه فى البيت".

جدير بالذكر، أن هناك عديدا من الخلافات الزوجية فى المجتمع، والتى تسببت فى كثير من جرائم القتل، وتشريد الأأطفال، فضلا عن إثارة العنف بين العائلات بعضها وبعض.