كشفت الإعلامية مي حلمي سبب عدم ظهورها مع رامز جلال في برنامجه "رامز جاب من الآخر" الذي تم عرضه في رمضان 2024، وذلك خلال حديثها مع برنامج ET بالعربي.
مي حلمي
سبب عدم ظهور مي حلمي في برنامج رامز جاب من الآخر
وأعلنت الإعلامية مي حلمي عن سبب عدم مشاركتها في برنامج "رامز جاب من الآخر" مع طليقها المطرب محمد رشاد، وذلك خلال لقائها في برنامج "et بالعربي".
وذكرت مي حلمي أنها رفضت المشاركة في المقلب لأنّه يتطلب منها إحضار شخص على خلاف معها، وهو ما اعتبرته "وحشة في حقها"، وأضافت أنّها لا تقبل "المقابل المادي" مقابل المشاركة في مثل هذه النوعية من البرامج.
وتابعت مي حلمي قائلة: "المقلب إن إنت تجيبلي حد أنا على خلاف معاه أنا استحاله أقوله صباح الخير دي وحشة في حقي جدا ولا أنا هقبلها ولا أنا مستنيه فلوس".
يُذكر أنّ مي حلمي كانت قد شاركت في برامج مقالب سابقة لرامز جلال، وأكدت مي أنا بحب رامز جلال لكن لو هو بيقعد في السعودية أو الإمارات شهر أنا قاعدة هناك طول السنة فأكيد الكواليس هتكون عندي، لما كلموني طلبت رقم معين 25 ألف دولار.
وأضافت: في ناس يا حرام مكنتش عارفة الموضوع إيه وهما قالولهم أنتوا تاخدوا بالمصري، أنا اللي فرق معايا الميزانية وإن هو ميبقاش برنامج مقالب، أنا في الأول اتقالي أنه مش برنامج مقالب، قلت استحاله مصدقش ، سألتهم المفروض البس إيه بعتولي برنامج تاني حاجة مختلفة بيلعبوا لعبة، سألتهم عايزني البس كاجوال ليه، وبدأت أعمل بحث عن الموضوع طلع زي ما توقعت.
واختتمت حديثها: البرامج دي مش هدفها صلح، كل مذيع بيهمه برنامجه والمشاهدة كل سنة هتبقى عايز تكون أعلى من اللي قبلها فاستحاله تقولي مصلحتي أهم من مصلحتك، وهو أنا صغيرة مستنية حد يصالحني على حد وإنت مين عشان تصالحني هو أنا معنديش أهل أو أصحاب هاجي اتصالح على الشاشات، كنت عملتها قبل كده وخدت فلوس كتير.
تابعوا أخبار بلدنا اليوم على Google News
