ياسمين عبد العزيز: أنا مش بهرج في شغلي وأنا والعوضي ما عملناش حاجة في"اللى مالوش كبير" غير إننا بنتخانق (فيديو)

كشفت الفنانة ياسمين عبد العزيز، لأول مرة، كواليس مسلسل "اللى مالوش كبير" مع الفنان أحمد العوضي.

قالت الفنانة ياسمين عبد العزيز، خلال حديثها مع الإعلامية منى الشاذلي في برنامج معكم عبر شاشة CBC: "أنا مش رقيقة مع أحمد العوضي، مكناش بنعمل حاجة أنا وأحمد العوضي غير إننا بنتخانق فى المسلسل وليس طول الوقت بنتخانق، ولكن خناقاتي أنا وأحمد زى الفل"، ليرد أحمد العوضى: "خلاص بقى نلم الدنيا".

وأضافت ياسمين عبد العزيز "قلت أعمل مسلسل، وعُرض علىّ فكرة مسلسل أنا وأحمد العوضى، وشوفت الشريط قدامى إيه اللى هيحصل بينى وبين أحمد، إنى هشتغل مع جوزي ، أنا في شغلى مش بهرج، فقلت إن المسلسل هيكون سبب طلاقي، وده فكرة مش كويسة وبعد ذلك دخلنا المسلسل".

من جانبه قال الفنان أحمد العوضي: "عُرض علىّ فكرة عمل مسلسل مع ياسمين، ورفض وقلت له أنا بحب ياسمين ومش عايزة أطلقها ولكن دخلت المسلسل، فياسمين رجعت من مسلسل رومانسى ناجح للغاية (ونحب تانى ليه)، وأنا خارج من مسلسل ناجح جدا وهو (الاختيار) في دور عشماوى، ولكن عمرو ياسين عمل شخصيات بارعة في مسلسل اللى مالوش كبير".