تفقد الرئيس عبد الفتاح السيسي، مجموعة من مشروعات إسكان بديل المناطق غير الآمنة في منطقة السادس من أكتوبر.
وخلال الافتتاح، أكد الرئيس عبد الفتاح السيسي، أنه يريد من الناس التكلم والتعبير عن رأيهم، مضيفًا: اتكلموا بس كونوا فاهمين القضية.
وتابع الرئيس السيسي: أنا عايز الناس تتكلم ويبقى فيه تعبير عن الرأي، بس تبقى فاهمة..يا ترى اللي فات.. عيب دولة؟ ولا عيب مواطنين؟ ولا عيب إحنا الاتنين؟ بالمناسبة في كل التعديات..عيب مين؟ يقولك المحليات مش قادرة، عشان السبق كبير.
أكمل السيسي: أنا بكرر كلامي عشان أسجل مواقف على نفسي وعلى الحكومة وعليكم.. بكرره علشان أسجل مواقف على نفسى، وعلى والحكومة، وعليكم، لأن القضية مش بتاعتي لوحدي ولا الحكومة وحدها، دي قضية دولة".
ويعد مشروع الإسكان الاجتماعي ذو الطابع الحديث بمدينة حدائق أكتوبر الذي تمت إقامته لصالح سكان منطقة سن العجوز محل اهتمام ومتابعة من الدكتور مصطفى مدبولي رئيس مجلس الوزراء، والمقام على أعلى مستوى ومزود بكافة الخدمات الأساسية والبنية التحتية لتسهيل سبل المعيشة لمواطني سن العجوز، فضلًا عن تزويدها باحتياجات قاطنيها من القطاعات الصحية والتعليمية وكافة الوسائل المعيشية الأخرى.
تابعوا أخبار بلدنا اليوم على Google News
