"في ناس بتستفيد من اسمي".. حسين فهمي يقتحم عالم السوشيال ميديا

أعلن الفنان الكبير حسين فهمي دخوله عالم السوشيال ميديا وذلك من خلال فيديو نشر عبرحسابه بموقع إنستجرام يؤكد به دخول عالم السوشيال ميديا.

وقال حسين فهمي فى الفيديو: "أنا كنت طول عمري بعيد عن السوشيال ميديا وكنت بعتبر دا عالم افتراضي بعيد عننا وإنه عالم مش واقعي لكن للأسف الشديد في الفترة الأخيرة اكتشفت إن فيه ناس كتير بتتكلم باسمي وبتقول معلومات غلط".

وتابع فهمي :"فيه معلومات كتير أوي مكتوبة عني غلط وفيه ناس بتستفيد من اسمي ولقيت أصدقاء ليا بتقول بعتنالك وتابعناك وانت قولت ومقولتش، الحقيقة إن الحكاية زادت فأنا قررت إن أخش في السوشيال ميديا بكل ما فيها من حسنات وسيئات وأتقبل مصيري وأستحمل ما دام فضلت فترة بعيدة فيستحسن أقرب".

وأضاف :"أنا فعلا مكنش ليا حساب وناس كتير استغلت اسمى فأنا النهاردة هيبقي عندى حساب وهقولكوا عليه علشان تتابعونى عليه وهو بيتوثق دلوقتى ومن فترة قريبة جدا هنبقي موجودين هتكلم معاكو فى حاجات كتير أوى لأن عندى حاجات كتير أوى احكيها عندى زكريات سواء فى الفن أو التاريخ أو الفلسفة هنتكلم فى أى حاجة عايزين تتكلموا فيها".

يذكر ان الفنان حسين فهمي يشارك في بطولة فيلم "فارس" الذي يجسد فيه شخصية رجل الاعمال رشدي السويفي وتدور قصة فيلم "فارس" حول شخصية "فارس" الذى يجسده أحمد زاهر، وهو شاب بسيط من منطقة شعبية ولديه خلفية رياضية، لكن الظروف تجبره على مواجهة بطش رجال الأعمال رشيد السويفى الذى يجسده الفنان حسين فهمى، وتتوالى الأحداث فى إطار تشويقى.