علق الإعلامي محمد موسى على نشر الفنانة اللبنانية هيفاء وهبي، لصور جديدة عبر حسابها الشخصي بـ"إنستجرام"، بملابس ملفتة ترتدي فيها قميص نوم مكشوف وقصير باللون الأبيض.
وقال محمد موسى خلال تقديم برنامج "خط أحمر" المذاع على قناة حدث اليوم، "بسأل الفنانة إحنا مالنا ومال قميص نوم حضرتك، وإيه ذنب المجتمع أنه يتابع قميص نوم حضرتك إن كان أبيض ولا أحمر ولا شفتشي، ارحموا الناس شوية من تجريف عاداته وتقاليده اللي بتتفننوا أنتي وغيرك إزاي تجرفوها وتغيروها للأسوأ، هو حضرتك مش عارفه أن فيه معجبات ليكي ممكن يطلعوا يقلدوكي ويقولوا زي هيفاء وهبي".
وأضاف، "الحقيقة مش فاهم إيه اللي عايد عليكي لما تتصوري بقميص نوم وتنشريها على موقع عام والصحف تاخد الصورة وتنشرها، هل ده حضرتك بيكمل حاجة عندك الناس مش عارفاها ولا أيه".
ووجه محمد موسى رسالة لكل فنان أو فنانة، قائلا "المفروض أنكم بتشكلوا ثقافة المجتمع اللي أنتم فيه وكل فعل أو تصرف بيصدر منكم له انعكاساته على المتابعين ليكم وعلى الجمهور بشكل عام فتحملوا مسئوليتكم وكونوا أمثلة تضيف للمجتمع ولا تكونوا مدمرين للمجتمع.. الناس مش ناقصة وثقافتنا وتاريخنا مش ناقصين تجريف".
تابعوا أخبار بلدنا اليوم على Google News
