تعليق مؤثر من نجل طارق الدسوقي بعد إصابة والده بكورونا

نشر أحمد ابن الفنان طارق الدسوقى تعليقا عبر صفحته على موقع التواصل الاجتماعى فيسبوك بشان إصابة والده بفيروس كورونا المستجد.

وقال أحمد طارق الدسوقى: "حطيت الصورة ووقفت كتير مش عارف أقول إيه، فى حاجات كتير أوى فى قلبى مش عارف أترجمها فى كلام".

وأضاف أحمد طارق الدسوقى: "أنا عارف إنى مش ببين إحساسى فى أوقات كتير ومش بعرف أتكلم، بس أنا نفسى أقولك دلوقتى قد إيه أنا بحبك وقد إيه أنا فخور إنى ابنك، عمرك ما هتتخيل انا بحس بايه وانا ماشي جمبك في اي حتة ولا مثلاً لما حد بيعرف اني ابنك نفسي تشوف وشي بيبقي عامل ازاي وانا قد ايه فخور بيك وباني ابنك ، من زمان اوي لما كنت بتجيلي المدرسة وتحضر المسرحيات اللي بعملها كنت ببقي مرعوب اوي مش من الناس ولا من العرض ببقي مرعوب اني معجبكش وحتى لما كبرت دايما بخاف امثل قدامك بس عارف ليه لأن مهما الناس قالتلي حلو و برافو مش بيفرق معايا غير رأيك انت انا باخد ثقتي في نفسي منك و باخد قوتي منك لو الناس كلها شافتني كويس و انت لا عمري ما هشوف نفسي كويس".