أحمد العوضي: "انا اضعف إنسان على وجه الأرض من غير ياسمين"

"يمكن يبان قدامكم دايما قوي.. لكن الحقيقة أنا دلوقتي اضعف إنسان على وجه الأرض عشان انا روحي مش معايا".. بهذه الكلمات الرومانسية طالب الفنان أحمد العوضي، جمهوره، بالدعاء لزوجته النجمة ياسمين عبدالعزيز، وذلك لقيامها بإجراء عملية جراحية .

وكتب الفنان أحمد العوضي، عبر حسابه الشخصي على موقع الصور والفيديوهات الشهير "انستجرام"، :"يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا".

وأضاف احمد العوضي: "انا ضعيف جدا من غيرك انتي لازم تبقي كويسه ولازم تقومي بالسلامه ... انا لاول مره اكتب من غير ما اكون مفكر انا بكتب ايه وهكتب ايه ... بس انتي هتقومي ان شاء الله باذن الله عشان انتي وعداني وعد وهتتفذيه".

واختتم العوضي حديثه:"انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره ... وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك.. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم".