نيرمين الفقي: " لما اشوف شريط حياتي بكون سعيدة اني مرتبطش "

أكدت الفنانة نيرمين الفقي أنها لا ترفض فكرة الارتباط أو الزواج ولكن مع الشخص المناسب، موضحة أنها لا تهتم بأمر الفلوس كشيء أساسي في الارتباط.

وقالت في لقاء مع الإعلامية لميس الحديدي ببرنامج "كلمة أخيرة : "لما اشوف شريط حياتي بكون سعيدة اني مرتبطش، أنا كامرأة نفسي ـحس اني بتحب بجد، أنا محبتش طول حياتي وتكتشفت ده على كبر.. ولو اتحبيبت بجد أكيد هحب".

وأردفت: "التمثيل كان عائق في الزواج.. من حقه إنه يخاف على زوجته ولكن مش من حقه يخليها متحققش موهبة، والفنان مش ممكن يستمر أو يكون محبوب إلا لو كان موهوب بجد".

وأضافت: "أنا لو ببص للفلوس كنت اتجوزت ملياردير.. لكن أهم حاجة يكون في نفس المستوى الثقافي، ولا أقبل الرجل سليط اللسان، ولازم يكون رجل بمعنى الكلمة، غير كده مش هفكر في الارتباط، ومش خايفة من الزمن ولا الوحدة، والحب رزق زي الصحة، فالرجل رزق ولكن يكون رجل بمعني الكلمة".