أعلنت الإعلامية ريهام سعيد، إصابتها بمرض السكري، في فيديو لايف بثته عبر صفحتها الرسمية بموقع التواصل الاجتماعى فيس بوك.
قالت ريهام: "كنت دايما بتكلم عن الصحة وأقول أنها أهم حاجة، وطلع الصحة مربوطة بالحياة اللي انت تختارها، طلعت تحاليلي مافيش أوحش من كدة والحمدلله، وهو من التحاليل اللي ضايقتني أوي بخصوص السكر".
وأضافت: "أنا اكتشفت أن جالي سكر ودي حاجة لا ألوم عليها حد غير نفسي، لأن أنا اللي حملت نفسي فوق طاقتي وكنت دايما بقول أن ربنا مش بيدي حد حاجة غير على قد طاقته.. السكر للأسف حاجة بشعة ولازم تحارب وما تاكلش وما تزعلش ودي حاجة صعبة أوي وسط اللي بنعيشه حاليا، لأن إحساس الظلم أكتر حاجة بتوجع وبتصايق، وعايزة أنصحكم ما تجوش أبدا على نفسكم ومفيش حاجة مستاهلة لأن كله بتدابير ربنا، وأهم حاجة لو ليكم أعداء زي ما الرئيس قال: لما تكون عايز ترد على منتقديك ما تقعدش ترد على كل واحد".
تابعوا أخبار بلدنا اليوم على Google News
