أبطال بـ"100 وش" في زيارة لـ شريف دسوقي

زار الفنان آسر ياسين وعدد من أبطال مسلسل "بـ100 وش" الفنان شريف دسوقي للاطمئنان عليه.

ونشر الممثل محمد رجائي عبر حسابه على موقع تبادل الصور والفيديوهات الشهير إنستجرام صورة ظهر فيها شريف دسوقي وآسر ياسين ومحمد عبد العظيم ولؤي عمران وسامح كمال.

كما نشر الفنان إسلام إبراهيم صورته مع دسوقي ومصطفى درويش وكتب: "شريف راجع إن شاء الله وهيدي الدنيا كلها درس في الرضا والارادة، ربنا جعله سبب عشان يبقي أيقونة وطاقة إيجابية ويساعد ناس كتير بتشوفه وتحبه يبقي عندهم يقين بالله وبقدره وأن اللي جاي أحسن بإذن الله".

وكان شريف دسوقي كشف موعد خروجه من المستشفى وعودته للعمل خلال مداخلة هاتفية سابقة مع الإعلامي عمرو أديب في برنامج "الحكاية" على قناة MBC مصر، قائلا: "أنا شغال بروفات حاليا، بحضر شغلي دلوقتي، وبيبعتولي الورق بدل ما أنا قاعد في المستشفى عندي وقت كتير. قدامي بالظبط مش أكتر من 25 يوم".

ووجه شريف دسوقي الشكر لكل من اهتموا بحالته الصحية، وقال: "أنا مش عارف أشكر السيد الرئيس عبد الفتاح السيسي، ولا السادة الوزراء اللي وقفوا معايا، ولا دكتور أشرف زكي. لكن عايز أشكر حد بشكل كبير جدا وهو أستاذ أحمد الجنايني، اللي شالني فعلا. كنت بصور معاه الفيلم ومش قايله إني تعبان، مسابنيش لحظة، اتنقل من مستشفى لمستشفى ورا مني، وكمان الشركة المتحدة مسابتنيش ولا لحظة. من ساعة ما عملت مع حضرتك المكالمة وهما متولين كافة شيء. الحمد لله أشهد إن عندنا طب عالمي".