"Society Problems".. جروبات "الفضفضة" على السوشيال ميديا "كلام فارغ وخراب بيوت"

صارت الـ"جروبات" على منصات التواصل الاجتماعي "فيسبوك" و"الواتسآب"، بمثابة "عالم للسيدات والرجال السري" حيث أصبح المتنفس لكثير من السيدات والرجال، الذين بادروا في السعي لمساعدة غيرهن ولا ضرر من طلب بعض النصائح حال الوقوع في مشكلة، لكن الأمر قد يتحول من مجرد تقديم النصيحة إلى التهشير بصاحب المشكلة أو يتحول إلى "هزار".

رغم الضجيج الواسع الذي خلقه عالم "السوشيال ميديا" على مدار الآونة الأخيرة، إلا أنه لا يزال بعض من الخفايا والأسرار التي لا يعلمها العديد من المستخدمين في هذه المواقع، فيظل هذا العالم السري الخاص بالرجال والنساء، المتمثل في "جروبات مغلقة" لا يعلم الرجال ما يدور فيها بين النساء، ولا تدري النساء كيف يكون ملامح العالم الإلكتروني الترفيهي الخاص بالرجال، لغزًا محيرًا لدى البعض، مثل "جت في السوستة"، "نادي الرجال السري"، "دندشة"، "كيف تشقطين ذكرًا"، وغيرهم.

ما بين الحين والآخر، يذاع صيت أحد الجروبات الخاصة لدى الجميع، ما يجعل البعض من الجنس الآخر يتهافت لمعرفة ما يدور فيها من أسرار وخفايا لا يعلمونها، لكن بتتبع تطورات الأحدث حول هذه "الجروبات المغلقة"، اكتشفانا عددًا كبير من الجرويات المغلقة أيضًا لكنها تجمع الجنسين "الرجال والنساء"، لعل أبرزهم والذي يشكل الكارثة الكبُري جروب "Society Problems"، والتي جاءت ترجمة بـ"مشاكل المجتمع"، لكنه بمثابة "المشاكل الزوجية" و"الخلافات العائلية"، حسب معاينة ورصد العديد من "البوستات".

فور دخولك إلى عالم "Society Problems"، ستجد منشورًا مثبتًا بأعلى الصفحة، يتضمن الأتي: "نرجو من الجميع ارسال المشاكل على الجروب فقط، وتقوم بالدخول للجروب وتقوم بعمل مشاركه عاديه ولا تقلق ستظهر فقط للادمن وسيقوم بنسخها وتنزلها باسم الصفحه وستهراها على الصفحه وعلى الجروب، ملحوظه ممكن مشكلتك تتاخر لان فى رسائل كتير بتصل لينا وبيتم تنزل منشور كل ساعه تقريبا حتى لا يتم حظر الصفحه من الفيس بوك فلا تقلق عند حذف مشكلتك من الانتظار اعلم انها تم تنزليها باسم الصفحة".

شارك جروب "Society Problems"، منشورًا مع أعضائه، قائلًا: "الست العاقله لما جوزها يقولها أنا هسيب البيت وامشي تقوله إيه؟"، وجاءت التعليقات كالأتي:

"ياخد بس الباب ف ايده عشان متقمش تقفل وراه.. مع السلامه للى عايز يمشى المركب اللى تودى ماترجعشى.. وعادي وعادي وعادي.. الله يخربيت فقرك أنا هقول ع فكرة".

وفي منشور أخر، يقول: "من غير اسم ولا صوره يا ادمن دلوقتى انا كنت عازمه خطيبي ع الفطار لقيتوا واكل فرخه الا ربع وطبق محشي ورق عنب مليان و٦ قطع بانيه وانا وماما وبابا مكلناش حاجه وشارب ٤ كوبايات تمر و٣ عرقسوس ده غير الحلو وماما بتقولي خطيبك طفس ونا كلمته في الفون النهارده وقلتله إنك معندكش دم واحرجتني قدام اهلي لقيته جيه مخصوص وحطلي 500 جنيه ف السبت وقالي اسف بس انا كنت تعبان بقالي يومين ومكلتش واعتبرت نفسي مش ضيف عندكم وكلت براحتي وقافل فونه لحد دلوقتي ومش عارفه اعمل ايه؟".

جاءات التعليات: "انتم عالم جعانه.. والله خطيبك ده محترم بس المفروض كان حاطلك الدبله مع ال500 جنيه.. لا دي دبلتة.. المفروض ياخد الدبلة.. ييييععععع ده انتي اهلك نفسهم مش متربين انتي هتبقي متربيه كتك القرف قله الزوء عندكم متوارثه مشاء الله.. اية الاحراج دة.. البوست ده fake دول ماشين بمشروع على كل الجروبات".

وشاركت الجروب ايضًا منشورًا يتضمن الأتي: "مخطوبة لواحد متدين اووى اووى وكلامه كله معاية بحرص وبحدود وكلام كأن بكلم اخته وانا عايزة خطيبي يكون منحرف ويكون عنده المقدره يلعب فى دماغي ويعيشنى جو رومانسي ويكون محترف فى الحوارات دى.. عايزا زى الاهلي مش الزمالك.. ازاى اخليه كدا عايزا تردو عليا عن تجارب".

وكعادة جاءت التعليقات بلا هدف ولا أهمية: "انتي عندك حق ع فكره بس مش منحرف يعني يكون دمه خفيف كده يعني.. مهو لسه مخطوبين مينفعش..هو انا قولتله قليل الادب انا بقولها مش منحرف بس يكون دمه خفيف لذيذ يعني مش عقد".