مدحت العدل يرفض الرد على تصريحات سعد الصغير

رفض السيناريست مدحت العدل خلال لقائه مع المخرجة إيناس الدغيدي في برنامج "شيخ الحارة والجريئة"المذاع عبر شاشة القاهرة والناس الرد علي تصريحات المطرب الشعبي سعد الصغير عن عدم مساندة السيناريست مدحت العدل لنادي الزمالك وأنه لم يظهر كشهرة إلا بالحديث عن نادي الزمالك،

معقبًا: "أنا مش هرد عليه أنا أكبر إني أجاوب على الكلام الخايب".

وكان الخلاف بينهما بسبب قيام مدحت العدل بتدوينة على موقع التواصل الاجتماعي "تويتر"، في أغسطس الماضي، عقب هزيمة فريقه الزمالك على يد المقاولون العرب بهدفين مقابل هدف: "الجمهور اللي منه نجيب محفوظ وأحمد زويل ومجدي يعقوب ومثقفي وفناني مصر مش حيعرفوا فاوست، وصاحب أغنية ( باحبك يا حمار) سعد الصغير مشجع أحد الأندية العربية حيعرفه.. يا أمة ضحكت من جهلها الأمم".

ولم يصمت سعد الصغير على هذا الأمر، ليرد عبر صفحته الرسمية على "فيسبوك"، بفيديو صغير وهو يطلق رسائل من العيار الثقيل ضد مدحت العدل، قال فيها: انت عاوز تعمل فتنة ولا ايه؟ عاوز أقولك حاجه يا دكتور انت مبتعرفش حاجه أصلا في الكورة، أنت عارف لعيبة الزمالك وبس، انت راجل بتاع أفلام ومعاك فلوس ملكش دعوة بقى بالناس الغلابة، متخبطش في الغلابة، دكتور أيه أنت دكتور دلوقتي؟ لما مش عاوز الناس الغلابة كلها تشجع الأهلي، قولي دكتور في ايه؟ هات سيرة فريقك وبس متجبش سيرة النادي الأهلي.