محمد يسري يحيي ذكرى والده الراحل إبراهيم يسري

شارك الفنان محمد يسري جمهوره بصورة تجمعه بوالده الفنان الراحل إبراهيم منذ صغره وهو يحمله فوق كتفيه على جميع صفحاته الرسمية على مواقع السوشيال ميديا ليحيي ذكراه.

علق على الصورة: "الوقت مابيعديش من غيرك يا هيما، عدى ٦ سنين بس حاسسهم عمر من غيرك، كان نفسي أوي تبقي موجود معانا و تشوف كل خطوة بناخدها في حياتنا، كان نفسي افرحك يا حبيبي".

تابع: "والله ادفع عمري كله وأشوف ضحكتك تاني، صوت المفاتيح وأنت راجع من التصوير، ابتسامتك وأنت داخل عليا الاوضة و بتقولي من غير أي مناسبة "أنا بحبك اوي يا حبيبي"، اللي مصبرني إني عارف انك عند ربنا و أنك اكيد حاسس بينا و إني إن شاء الله هشوفك قريب يا حبيبي، بس الوقت مبيعديش يا هيما، لا الوقت بيعدي ولا الوجع بيقل".

اختتم كلامه يدعو له بالرحمة ويطلب من جمهوره الدعاء له: "ربنا يرحمك يا حبيبي وكل سنة وأنت طيب و مبسوط في جنة ربنا يا رب، نسألكم الدعاء".

ومن الجدير بالذكر أن محمد يشارك في الموسم الرمضاني الحالي من خلال مشاركته في مسلسل "نجيب زاهي زركش" بطولة الفنان يحيي الفخراني، وإخراج شادي الفخراني، بالإضافة لمشاركته في مسلسل "ضل راجل" بطولة الفنان الكبير ياسر جلال.