ميار الببلاوي توجه رسالة لنشوى مصطفى.. والفنانة ترد

الاثنين 05 ابريل 2021 | 10:33 مساءً
كتب : محمد موافي

أبدت الفنانة ميار الببلاوي اندهاشها من هجوم الفنانة نشوى مصطفى وعبرت عن ذلك من خلال حسابها الرسمي علي "Facebook".

وكتبت "أتفاجئت من بعض المتابعين ليا على الفيس بوك بعتولى اسكرينه بكلام منشور من زميلة محترمة بتروج اشاعه معرفش ايه مصدرها ولأن مش متابعاها، للاسف مخدش بالى انا معرفش هى بتتكلم عن ايه بس انا لاتعليق ولازم كلنا نفهم أن محدش بياخد رزق حد وكله بأيد ربنا واحتراما لروح الزمالة اللى بينا والايام الفضيلة اللى احنا فيها لا تعليق على كلامك واتمنالك الهداية".

جاء ذلك بعد ردها علي الفنانة نشوي مصطفي علي هجومها لها مؤخرا من خلال منشور انتقدت فيه مشاركتها في أحد الأعمال الفنية التي ستعرض في رمضان المقبل 2021

وكتبت نشوى عبر حسابها على Facebook، "السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبوا لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت منى لما دخلت عاتبتها، الدهشة إنها السنة دي مشتركة في مسلسل بتمثله دلوقتي هيتذاع في رمضان".

لم تكن المره الاولي الذي تنتقد فيه الفنانه نشوي مصطفي

لميار الببلاوي وانتقدت ظهورها في عمل فني تقدمه في رمضان المقبل ففي العام الماضي هاجمتها بسبب تهكمها على أهل الفن المشاركين في موسم رمضان 2020 وبخاصة الفنانة دينا.

وفي منشور لها عبر Facebook قالت نشوى مصطفى "ودي زميلة ممثلة ومش معتزلة على فكرة لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها.. لا حول ولا قوة إلا بالله""، هو أنتي يا ميار اعتزلتي التمثيل؟ أصلك لحد قريب كنت عارفة أنك بتمثلي عادي حتى لو في رمضان.. وبعدين الممثلين يضيعوا عليكي رمضان ليه؟ أنتي عاقلة بالغة وبعدين ياستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير ربنا يرزقك الجنة ويهدي زمايلك الأشرار.. يا ميار حرام تستعدي الناس على زمايلك وتقولي للناس مين معايا".