أصالة تعلق على موكب المومياوات الملكية.. شاهد

شاركت الفنانة أصالة جمهورها بمجموعة صور من حدث موكب الموميوات الملكية أمس على صفحتها الرسمية على موقع الانستجرام الخاص بها وعلقت عن مدى إعجابها بالموكب.

علقت على الصور: "بفكّر منّ وقت صحيت شو قول وكيف عبّر ومنّ وين رح لاقي كلام، متلي متل الكلّ بكلّ شغف عمّ تابع هالحدث الًلي هزّ كيان الأرّض بسّ أنا شويّ زياده لأنّه بعض من هالكوكبة من المُبدعين بمجالاتهم المختلفه أصدقاء وإخوه وغوالي وشركاء نجاح".

تابعت: "محمّد سعدي رجل ماصار متله بإخلاصه وتفانيه وإصراره على الوصول للدقّه مهما كانت الظروف ومهما توسًعت الدائره مابعتقد فيه حدا بينافسه بالّلي بيعمله، وصديقي الحبيب محمد عطيّه والهيستيريا الإبداعيه بإنتباه عالي وجمال بيغسل العين وقياده لجميع الأركان بتشبه بالزّبط إدارة المايسترو نادر عبّاسي الّلي مابيسمح لشي ياخد من إنتباهه لوحه بيرسمها برقّه وعذوبه وثقه تتماهى مع خيالنا عنّ هالتّاريخ".

أضافت: "والصّبايا يلّلي غنّوا إحترامي للإختيار شو هالجمعه الحلوة المُبدعة وريهام عبد الحكيم الواثقة بطيبة وساحرة ببساطة ونسمة محجوب الجريئة الحلوة الممتعة وأميرة سليم شو حلوة وقفتها وبتشبه الحدث وغُناها أسرني والسّحر بالصّوره النّور الّلي عمّ يضوّي على أعظم تاريخ".

تابعت: "الإضاءة الّلي مالها كلمه تنقال عنّها أقلّ منّ ساحرة كانت بقيادة أخي الحبيب مازن متجوّل الّلي تفانى بعمله وبيستحق هالإمتياز والملابس الرّاقية المُنمّقة القيّمة بقيادة الشاطرة الدّؤوبة والصّديقة العزيزة ميّ جلال وشريكها بالإبداع الصّديق الحنون خالد عزّام، وبرجع للموسيقى الًلي أكيد غير عاديّة بتشبه رحلة قطار حلو وقديم جوّا جنّات التّاريخ والّلي بيقدر عليها، هشام نزيه المجنون الغير طبيعي إطلاقاً، والإخراج ل عمرو عزيز المُبدع الأمين الّلي مابعتقد العين طبيعي هتشوف أحلى من اللي وصّله".

اختتمت كلاهما: "وبدّي أختمّ بها الرّئيس العظيم المقدام المايسترو المُهمّ للحدث الأهمّ الّلي وحّد شعور كلّ العرب بالفخر والإعتزاز والفرح والتّباهي بوقت واحد، تسلمّ بلدنا ويحفظ رئيسها عبد الفتّاح السيسي الّلي خلّى الحاضر والتّاريخ توأمّ بيتشاركوا أجمل الّلحظات بقيادته الحكيمه، شكراً إلكم كلكم وبعتذر من اللي ماذكرتهم بسّ مازلنا بنتشارك الحياة واللي مانقال اليوم بينقال بكرة".