هاجم نجم النادي الاهلي محمد مجدي " أفشة " المتنمرين على مواقع التواصل الاجتماعي قائلًا " أنا ضد ده تمامًا .. ومش فاهم سواء أنا لعبت حلو أو وحش ؟ إنت إستفدت إيه لما قلتلي أمك وابوك ؟ مش دورك تقيم لاعب فيه مدير فني هوا الي بيدير.
وأضاف "أفشة" في لقاء خاص عبر برنامج " كلمة أخيرة " الذي تقدمه الاعلامية لميس الحديدي على شاشة " ON"قائلًا:" انا بزعل من بعض المحللين على القنوات الي بيهاجموا وهما مش مدربين أصلًا .. هما ناس كبار وعلى دماغي وأنا اصغر منهم بس مش من حقكم تقولوا اللاعب ده ماينفعش هنا أو هنا ... النقد يكون في الطبيعي وفيه نقد بيوجع ومؤلم وإحنا لينا أهل بيتفرجوا على المحللين لو إتكلموا عليا كويس هينبسطوا ولو إنتقددوني بشكل منطقي وعلمي محدش هيزعل لكن لو بقيتوا أوفر وتعديتوا الحدود أهلي وقرايبي هيزعلوا أكيد ".
وواصل :" الي ينتقدني بشكل كويس هتعلم منه لو إنتقدت بشكل كويس هسمعك وهاخد برأيك لو غير كده مش هسمع ".
ووجه رسالته لبعض المتعصبين بين جماهير الاهلي والزمالك حول شيكابلا قائلًا :" أتمنى مايحصلش لاني مش بحب الحاجات دي أصلًا إللي فيها إساءة لللاهل والام ".
ومن جانبها أعربت الإعلامية لميس الحديدي بسعادتها البالغة بحصد النادي بطولة إفريقيا للمرة التاسعه في تاريخه قائلة: "كأس دوري أبطال إفريقيا يعود للقلعة الحمراء من جديد بعد غياب وجعنا لمدة سبع سنوات، قائلة "كتير من الناس إمبارح في العالم العربي ومصر بالذات ناموا سعداء وأنا واحدة منهم ..ودي البطولة الأهم بالأهلي هو سيد إفريقيا بلا منازع".
وأكملت "الحديدي" خلال برنامجها "كلمة أخيرة" المذاع علي قناة "أون أي" الفضائية، إن افشة عمل هدف في الوقت القاتل وكل اللاعبين كانوا رجالة لاأستثني أحدًا بداية من هدف السولية والشناوي وكهربا الي كهرب الماتش " .
وأتمت قائلة "موسيماني اسعدنا جميعًا وخلى للنادي الاهلي شكل مختلف وعاوزة أققله إنت دخلت قلوب المصريين من أوسع الابواب لانه باب الاهلي وأي باب زي النادي الاهلي ممكن نحبك منه ؟
لكن "الحديدي" رصدت ماوصفته بالملاحظات على مباراة الامس قائلة " مباراة الامس كانت ممتعة جدًا والناديين لعبا واحدة من أفضل مبارياتهم منذ فترة طويلة لايوجد لحظة مللنا أو زهقنا فيها أو غمضنا عنينا منافسة شرسة .وإحقاقًا للحق الزمالك في أوقات كثيرة كان ماسك الكورة وكان ضاغط لكن في النهاية الاهلي خلص الماتش بالهدف الصح في الوقت الصح ".
ميدو يهاجم الإعلام بسبب فيديو شيكابالا المسيء
تابعوا أخبار بلدنا اليوم على Google News
