تداول رواد مواقع التواصل الاجتماعى، رسالة مكتوبة بخط اليد، من ابن، لوالدته، الموجود بإحدى مستشفيات عزل الكورونا.
و تضمنت الرسالة كلمات مؤثرة، وكتب الشاب والذى يدعى محمد، لوالدته:
"ازيك يا أمى.. عاملة ايه.. كلنا مستنينك.. يارب ترجعى لينا بالسلامة.. وحشتينا.. عايزنك تشدى حيلك وتساعدى نفسك علشان كلنا مستنينيك وتخرجى لينا بالسلامة"
وتابع محمد، "النهاردة الدكتور عمل تحليل وكليها كويسة ومطمئنة وان شاء الله تبقى كويسة. والعيال كلهم ومصطفى وسجدة مستنينك وعملين يسألوا عليكى يلا ارجعى بالسلامة.. وانتى موجودة فى وسط ولادك الدكاترة والممرضين كلهم ولادك.. لو احتاجتى أى حاجة قوليلهم عليها والاكل ونفسيتك هما أساس العلاج والدكاترة كلهم بيطمنونا عليكى دايما.. ويارب يجعله فى ميزان حسناتهم"
واختتم محمد، "وحشتينى يا أمى وأنا قاعد كل يوم قدام المستشفى مستنيكي علشان نروح سوا.. ابنك وحبيبك محمد"
وعلق أحد الأطباء على صورة الرسالة بقوله، "المريضة بقالها فترة محجوزة في العناية عندنا وممنوع عنها الزيارة وكل ما تشوفني تقولي عاوزة اشوف ولادي عاوزة اروح لولادي... ابنها كتبلها جواب وطبع ليها صور العيلة كلها وغلفها بالبلاستيك الشفاف عشان ماتتبهدلش ومحطوطة علي السرير بتاعها في العناية عشان تتونس بيهم.. كل شوية الست تقرا الجواب و تفرجني علي الصور وتقول ابني نور عيني.. ربنا يشفيكي ويرجعك لأولادك"
بطاقة 50%.. الكنيسة الأرثوذكسية تعلن إقامة القداسات أيام الجمعة
شاهد.. "التأمين الاجتماعي" تنتهي من وضع معايير للمستحقين للعلاوات بالمؤسسات الخاصة
تابعوا أخبار بلدنا اليوم على Google News
