متهم في قضية حنين حسام: "اتشهرت بفيديوهات الرقص"

كشفت النيابة العامة تفاصيل جديدة خلال تحقيقاتها في القضية المعروفة إعلاميَا فتيات الـ "التيك توك" والتي تضم الطالبة "حنين حسام"، والطالبة "مودة الأدهم"، والتي يشترك بها 3 متهمين آخرين، منهم المتهم "أحمد صلاح" صاحب الـ25 سنة، فنى برمجة مواقع اليكترونية، بتهمة استغلال الفتيات في أعمال الدعارة نظرا لحاجتهن للمال والاتجار بالبشر.

وقالت التحقيقات أن المتهم أنكر الاتهامات المنسوبة اليه من قبل رجال التحقيق، وأنكر أيضا تهم الاتفاق والتحريض مع المتهمة "حنين حسام" عن طريق حسابات شبكة المعلومات والتي تتضمن لفت الانظار إلى الدعارة، كما أنكر إنشاء حساب بإسم "حنين حسام" على شبكة المعلومات وتتضمن دعوة بعقد لقاءات مخلة بالآداب بين مشتركى تلك التطبيقات ويعد اعتداء على المبادىء والقيم الأسرية فى المجتمع المصري.

وقال المتهم خلال تحقيقات النيابة العامة: "بشتغل فنى برمجة مواقع اليكترونية ودخلت على برنامج اسمه "hikee" كان عبارة عن برنامج بيتم فيه تصوير الفيديوهات على أغاني ورقص زى برنامج "tik tok" فعجبني عشان جديد ونزلتوا على الهاتف وعملت حساب ليا عليه وابتديت أنزل فيديوهات ليا عبارة عن أما رقص على أغنية مشهورة أو بحرك شفايفي على أى إفيه شهير من مسلسل أو مسرحية".

وأضاف المتهم: "بعد كده لاقيت likee عامل مسابقة عن اكتر ناس اللى هتعمل فيديوهات وأرباح ودى كانت لصالح مستشفى 57357 وفى المسابقة دى ربني كرمني وطلعت التالت وإدارة البرنامج خدونى فى زيارة ميدانية لمستشفى 57357".

وتابع: "وتعرفت في المستشفى على واحده اسمها ندى بتعمل مع إدارة برنامج likee بشكل مباشر وساعتها طلبت من ندى إنى أبقى من العاملين الموثقين لدى البرنامج وفعلا هى توسطت لى وبقيت بشتغل لصالح شركة likee وبعمل فيديوهات وبنزلها على التطبيق وكنت ساعتها كنت فى درجة k3 فى الشغل فى البرنامج وبعد ذلك وعشان كنت بعمل فيديوهات كتير وكويسة ارتقيت للدرجة k2 ومن اول الدرجة دى الواحد بدا يحصل على مبلغ مالي بالدولار مقابل الفيديوهات اللى كنت بنزلها على التطبيق".

وكشف المتهم: "فى بداية العمل على تطبيق "likee" بيتم على قسمين الاول يتم فيه تشر فيديوهات قصيرة دقيقة، والقسم الثاني يتم فيه بث فيديوهات وبتكون مدتها مفتوحة مقابل الحصول بالدولار يتم التحصل عليه اخر الشهر، والشركة المالكة لتطبيق "likee" هى شركة صينية اسمها "bigo" وتمتلك ثلاث تطبيقات هم " bigo - likee - imo" ولها مقر للادارة فى القاهرة الجديدة فى شارع التسعين".

وقال المتهم:" التطبيق bigo بيستخدم غرفة شات مغلقة بينه وبين من يقوم ببث الفيديو وفها يمكن ان يتحدثوا سواء صوت او صورة فى اى شيء او اى موضوع ولكن اغلب الاشخاص يستخدم الناس غرف الشات المغلقة وبيكون بسبب رغبتهم فى التحدث فى الامور الجنسية وممارسة الدعارة وانتجت شركة bigo تطبيق جديد اللى هو likee ودا زى ما انا قولت قبل كدا هو بيتم فيه نشر فيديوهات قصيرة اقصى مدتها دقيقة".

واكد المتهم: "بعد ما ندى سابت التطبيق وسافرت برة مصر انا اتكلمت مع مارجن وعرضت عليها إن أكون من رجالتها واساعدها، وهى من المدرين المسئولين عن إدارة شركة بيجو وتطبيق لايكي، وإنه كنت اتقاضي عائد مالى نظير البث المباشر والفيديوهات عبارة عن مائة دولار فى الشهر لو قدرت احقق شرط هما حطينه عبارة عن إن المتابعين يدون هدايا عبارة عن رسمة زى الجوهرة بيتم شراء من خلال التطبيق بمقابل مادي ويشترط ان تتجاوز 5 الاف جوهرة، وبيتم تحويل تلك الجواهر لمبالغ مالية تحول لرصيد حسابي عن طريق تطبيق بايونير وهو عبارة عن بنك اليكترونى بيقوم بتحويل المبالغ المالية من على شبكة المعلومات الانترنت الى الحساب، ولدى حساب فى البنك الأهلي المصري".

واكد المتهم: "ان الضوابط اللى طلبته الشركة انهم كمذيعين عمرهم اكثر من 18 سنة ويكونوا حسنين المظهر وبالنسبة للبنات تكون اجسامهم مغرية وبيعرفوا يتكلموا ويجذبوا المشاهدين فى الفرجة على اللايف فيديو وبالنسبة للمذعين الولاد بيكون مطلوب انوا يعرفوا يهزروا ويتكلم ويكون عنده اضاءة كويسة والكاميرا اللى بيتم التصوير بيها تكون جودتها عالية، ومفيش فيديوهات جنسية او اباحية صريحة عشان التطبيق مفهوش غرف شات مغلقة ولكن معظم البنات اللى بتتعمد تلبس لبس مغري يثير الرجال وتتحدث بطريقة ناعمة ودلوعة وتضحك ضحكات مثيرة وتزود بده عدد اللى بيتفرجوا عليها ويدوها الجواهر والهدايا عشان تحقق التارجت بتاعها وتكسب فلوس، وتطبيق لايكى مش بيطلب ده بشكل صريح بس بيكونوا عارفين وسايبنهم عشان يحققوا ربح لكن ساعات لما بتكون فى حاجات صريحة بيتم غلق الفيديو مباشرة".

وأكد المتهم: "مليش علاقة مع المتهمة حنين حسام ومتكلمناش خالص وانا بعتلها مرة واحدة رسالة ومردتش عليا، وقولتلها فيها إنك فى مشكلة كبيرة واسالى محامي وفى برنامج ذاع الفيديو بتاعك شوفى أو ممكن ترفعي قضية عليه، وهى ممكن تكون قالت بالغلط إنى مديرها فى لايكي ولكن انا من المشهورين فى قسم الفيديوهات القصيرة وادمن بس".

وأضاف المتهم: "فيه جروب على الواتس اب اسمه likee rules &news، والجروب ده عليه 152 مشترك فيه اشخاص وانا منهم ومنشئة الجروب مارجن، ولم أقم بالدعوة للإتجار فى البشر وكذلك التهم الاخرى الموجه لى".

أقرأ أيضا..

مقابل 2000 ريال.. حبس فتاة بتهمة استقطاب راغبي المتعة الحرام عبر مواقع التواصل الاجتماعي

قطار ينهي حياة طالب مجهول الهوية فى حادث مأساوي بالقليوبية

"عمرها 5 سنوات".. السجن 7 سنوات لسائق بتهمة الاعتداء الجنسي على طفلة