بعد اعتذارها للعمال.. داليا البحيري تفاجئ جمهورها بتصرف جديد

قامت الفنانة داليا البحيرى بحذف البوست من على حسابها الشخصي بموقع التواصل الإجتماعي "فيس بوك "بعد الهجوم عليها من متابعيها.

الجدير بالذكر أن الفنانة داليا البحيري كتبت:"مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب ما نلاقيش سرير في مستشفى عشان واحد كان مقضيها خروج بيتفسح ولا كان على باله اللي احنا فيه".

وأضافت: "حظر كامل يا ريس لو سمحت أرجوك، خلينا صادقين مع نفسنا شوية كده والنبي! واللي بيشتغلوا في مصانع على عيني وراسي يتعملهم إقامة داخل محل عملهم، غير كده إحنا رايحين في داهية".

بعد الهجوم عليها داليا البحيري تعتذر للعمال: "لازم نوعي الناس البسيطة"

تعرضت الفنانة داليا البحيري، لهجوم شديد، من رواد مواقع التواصل الاجتماعي، بعد تصريحاتها ضد المواطنين الذين خالفوا حظر التجوال، واستخفوا بانتشار فيروس كورونا المستجد.

وردت داليا البحيري عبر حسابها الشخصي على موقع الصور والفيديوهات "انستجرام"، في مقطع فيديو لها لتنفي تلك الانباء قائلة: " قررت أعمل فيديو حتى لا يتم تحريف كلامي، وأكدت أنها لم تخرج من منزلها منذ 36 يوما، سوى مرات قليلة".

وأوضحت داليا أن كلامها المثير للجدل نشرته على حساب شخصي خاص بها، للأصدقاء فقط: "أنا عملت بوست على برايفت أكونت والبوست كان للأصدقاء فقط يعني مش بابليك فا كنت بتكلم بأريحية كأني قاعدة مع أصحابي، لكن في صحفي عندي على الأكونت أخد الكلام ده واستقطع منه جملة تستفز الناس وحطها عنوان، أيوا ده الأكونت بتاعي وأنا ما قولتش حاجة أخجل منها أنا كل اللي طلبته في البوست إن يبقا في حظر كامل، لأن امبارح في ناس كتير جدا نزلت تتسوق في المولات والعتبة والموسكي، ده رد فعلي أنا وناس كتير جدا زيي عايزة تقول نفس الكلام، لكن كالعادة أي حد من الوسط بيتهاجم بشكل شرس مع إننا في خط الدفاع الأول في أي حاجة تواجه البلد".

واختتمت داليا: "لازم نبقا إيد واحدة، لازم نوعي الناس البسيطة.. بس لما الاقي الأفعال دي من ناس المفروض إنها مثقفة وفاهمة ومش مضطرة إنها تنزل خالص من البيت مش زي ما اتقال إني بهاجم العمالة اليومية ده مش حقيقي.. أنا من أول الناس اللي عملوا حملة مع بنك الطعام لدعم العمالة اليومية وفي مؤسسات كتير دعمتهم، ما أظنش في أي حاجة من اللي أنا قولتها دي ممكن تضايق أي حد، وبعذر أي حد دخل وهاجمني وقال كلام مش مظبوط في حقي لأن العنوان اللي اتكتب فعلا مستفز".

A post shared by Dalia Elbeheri Official (@daliaelbeheri) on Apr 14, 2020 at 6:04am PDT

أقرا ايضًا:

شاهد.. سميرة سعيد ترقص مع نجلها على "انت أقوى"

عمرو سلامة ينتقد دار الإفتاء بسبب الصيام.. ماذا قال؟