علق الإعلامي عمرو أديب، على عدم وعى المصريين وإهمال أساليب الوقاية استمرارهم في الاختلاط، وقال: أنا شايف أن في ناس كتير مطمنة، لكن أنا شغلتي أني أقولك إن الموضوع خطير، وإنه مينفعش تخلي الدنيا لطيفة وتسلم وتبوس، وظيفتي أني أقولك أن مينفعش تعمل فرح وتعزم فيه الناس، والناس اللى تحضر دي يجيلها المرض وتموت، وتبقى أنت قتلتهم، حرام عليكوا فعلا.
وأضاف الإعلامي عمرو أديب، خلال برنامج "الحكاية" الذي يذاع على قناة mbc مصر: "يا جماعة الناس في أمريكا بيموتوا بالألفين في اليوم، ده لو بيموتوهم بالرصاص الحي مش هيموتوا بالأعداد دي، ونسبة الوفيات في مصر كبيرة جدا تعتبر من أكبر النسب في العالم، افهموا بقى حرام عليكوا، أنتو رايحين تلعبوا مع الأسد، هو في حد عاقل يروح يلعب مع الأسد برضه؟، أنت مش بتضر نفسك أنت بتضر كل اللى تعرفهم".
وقال عمرو أديب: "الناس اللى بتطلع تهبد على السوشيال ميديا وتقول مؤامرة، مؤامرة إيه يا ابني؟، أنت مبتشوفش اللي بيحصل في العالم ولا إيه، برة مصر الناس قافلة بلادها والصحة العالمية قالت كده، لأن نسبة الإصابات مش هتقف تماما إلا لو الناس منزلتش الشارع، الناس اللى بتغامر في شغلها مضطرة تعمل كدة عشان ميموتوش من الجوع، الناس التانية بقى بتنزل ليه، في 188 دولة مرزوعة في الحيط".
عمرو أديب: عالم أمريكي اسمه "تشارلز ليبر" مُتهم بتصنيع "كورونا" وبيعه للصين
"سموم وانفجار".. احذر تسخين هذه الأطعمة في الميكروويف نهائيا
تابعوا أخبار بلدنا اليوم على Google News
