عرضت الإعلامية بسمة وهبة، خلال برنامجها "كل يوم"، المذاع على شاشة قناة "ON"، فيديو للدكتور مجدى يعقوب، يوجه خلاله رسالة للمواطنين تحت عنوان "رسالة من القلب"، يحذر فيها من التجمع فى الشوارع، ونزول الشارع، قائلا: "أنا خايف جدا جدا إن المرض يبتدي يزداد زي ما حصل في الدول التانية".
وتابع: "لو حصل كدة هيبقى فيه وفيات كتيرة وهنفقد أفراد من أصحابنا وأمهاتنا وأولادنا ودي حاجة محزنة لو حصلت، عشان كدة لازم نشتغل مع بعض دلوقتي عشان نمنع ان دة يحصل، لازم نسمع للنصائح الجاية من الحكومة المصرية وهيئة الصحة العالمية".
وأشار إلى أن مصر دولة عريقة منذ آلاف السنين، ومرت بالكثير من الآزمات، وأن مصر يمكنها أن تتغلب على هذه المعضلة، إذا تكاتف الشعب والحكومة للتغلب عليه، حيث عبر قائلا: " مش هنقدر على فيروس كورونا إلا إذا عملنا مع بعض سويا".
وأضاف الدكتور مجدي يعقوب خلال التسجيل: "أطلب منكم أنكم تقعدوا في البيت، وده مهم جدا فى مواجهة المرض، ولمنع انتشاره، وهيسهل على الأطباء والدكاترة أنهم يعالجوا المرضى دول، وأرجوكوا افتكروا الكلام ده لأنه مهم جدا". موضوعات ذات صلة:
مجدي يعقوب عن كورونا: فيروس خطير يجب الحذر منه "فيديو"
هل يجوز استخدام الحيوان المنوى من الزوج المتوفى؟ الإفتاء ترد
لخدماته الجليلة.. محافظ أسوان يهدي مجدي يعقوب مفتاح المدينة
تابعوا أخبار بلدنا اليوم على Google News
