إلهام شاهين: فاتن حمامة قالتلي هساندك بس لازم تكون ليكي شخصية مستقلة

روت الفنانة إلهام شاهين، أن سبب شهرتها، أنها كانت تحضر حفلة بها الفنانة القديرة الراحلة فاتن حمامة، وكانت وقتها تدرس في معهد الفنون التمثيلية في العام الأول، وعندما رأتها، انبهرت بها بشدة قائلة: "جريت عشان أسلم عليها"، مضيفة: "أول ما شافتني؛ قالتلي انتي شكلي أوي أكتر من بنتي".

وقالت شاهين، خلال لقائها ببرنامج "صاحبة السعادة"، الذي تقدمه الإعلامية إسعاد يونس، الذي يعرض على شاشة "dmc": "أول ما شفتك النهاردة؛ رجعتيني للتاريخ.. أول فيلم في حياتي أقف قدام كاميرا سينما؛ كان فيلم "أمهات في المنفى" من بطولتك انتي وعادل إمام".

وتابعت شاهين: لما اتكلمت مع فاتن حمامة، قالتلي كمان صوتك شكلي، قولتلها لا والله أنا مش بقلد صوتك، قالت أنا هساندك بس لازم تكون ليكي شخصية مستقلة، وأنا أتابعك، الناس اللي في الحفلة سمعوا الكلام وكمان فيه برنامج تليفزيوني استضافني وكان عنوان الحلقة "البنت اللي شبه فاتن حمامة".

وإختتمت:"أنا خلصت البرنامج من هنا، والسيناريوهات بقت تيجي على المعهد، مش عارفين اسمي، بس كانوا بيسألوا عن البنت اللي شبه فاتن حمامة".