عبرت الفنانة روجينا عن حزنها الشديد لوفاة الفنان هيثم أحمد زكي الذى رحل عن دنيانا صباح أمس الخميس ، ونشرت روجينا صورة نادرة تجمع الفنان هيثم أحمد ذكى مع والديه من خلال حسابها الشخصى بموقع التواصل الاجتماعى "فيس بوك" وعلقت على الصورة قائلة :" دى عيلة مش بتاعة دنيا ربنا اخترهم بعناية ووجع قلبنا فى رحيل كل واحد فيهم ، الام كانت زى الملايكة لما كنت بشوفها فى التلفزيون كنت بقول دى مش زينا ومشيت بدرى اوى لان دا مش مكانها مكانهاعندة وبدرى اوى وهى فى عز جمالها وشبابها والعظيم الاب اللى كلنا عشقنا فنة وعظمتة فى التمثل وموهبتة اللى مافيش حد هيقدر يوصل لهاوبفتكر لما ربنا اصابة بالمرض وكلنا واقفين تحت باب المستشفى بندعلية من اللى يعرفوا او اللى مايعرفوش وفضل قدام الكاميرا لاخر لحظة فى حياتةلان التمثيل كان عشقة.
وتابعت روجينا الابن الطيب الهادى المحترم الوحيد وهو وسط الناس اللى دايما حزنة فى عينة اللى اول ماشفتة فى العندليب وانا شايفة انوا ممثل قوى جدا ومحدش كان يعمل الدور بالابدع والبراعة والصدق والدفء زى ماعملوا هيثم ولما اشتغلت معاه وكنت ارغى معاه كنت اقول لنفسى دا مش ابن دنيا ماكنش عايزها كان منتظر يكون مع اللى بيحبهم يمكن كنت مش سعيد فى الدنيا لكن انا متاكدة انك اسعد واحد دلوقتى لانك فى حضن امك وابوك احنا قلبنا موجوع عليك والحزن مسيطر بس كلنا بندعيك يمكن ربنا مادلكش السعادة فى الدنيا ولا طمعك فيها عشان دايما تبقى منتظر السعادة معاهم .
العيلة دى هتفضل فى الوجدان فى القلب ربنا يرحمك ياهيثم ياابن هالة انت وابوك وامك ويجعل مثواكم الجنة فى صحبة الحبيب المصطفى مع المقربين فى جنات النعيم اللهم امين اسالكم الدعاء لهم بالرحمة والمغفرة فى يوم عظيم يوم الجمعه فى الارض عيد وفى السما عيد والنهاردة عيدك ياهيثم .
وكانت مديرية أمن الجيزة قد تلقت إخطارا من مباحث قطاع أكتوبر، بورود بلاغ من خطيبة الفنان هيثم احمد زكي بأنها حاولت الاتصال به أكثر من مرة ولم يستجب لاتصالاتها، وانتقلت قوة أمنية وبفتح باب الشقة بعد استئذان النيابة، تبين وفاة الفنان، وبنقل الجثمان للمستشفى أفاد التقرير المبدئى أن سبب الوفاة هبوط حاد فى الدورة الدموية.
تابعوا أخبار بلدنا اليوم على Google News
