أعرب الفنان عمرو سعد، عبر صفحته الشخصية على مواقع التواصل الاجتماعي "فيسبوك"، عن حزنه الشديد على وفات الفنان الراحل هيثم احمد زكي، حيث نشر صورة تجمع بين الفنان الراحل أحمد زكي ونجله الراحل هيثم أحمد زكي.
وكتب عمرو سعد على الصور قائلًا:"احساس صعب ومؤلم وصادم بيخليني اقف فجأة وكأن الحياة بتجبرنا ساعات نتأمل ونبص علي كل اللي فات وساعتها تدخل الأحاسيس في بعضها كأن العربية فرملت فجأة وبعدها هدوء تام".
وتابع عمرو سعد: " فعلا حزنت وهربت دموع من جوايا كأنها كانت مكتوبة بإسمك وكأنك أخويا وكأني مسؤل عنك، وكأن إحساسك بالوحدة واليتم جوايا، وفضل الإحساس ده يهاجمني من وقت للتاني مش عارف ليه وكان بيدفعني اطمن عليك او احاول ادعمك علي قد ما اقدر".
وأضاف سعد "ومش هانسي لما قولتلي انك بتحس اني اخوك، في ناس ممكن تقصر في حق الكلمة والوعد وتستمر الحياة الصعبة اللي بتزداد توحش وصراعات وأنانية نست الإنسان حاجات كتير قوي وتاهت فيها المسميات وبقت معانيها مزيفة لان غاب عنها الإحساس ، علشان كده يا هيثم انت ما كنتش انت بس اللي وحيد ، والنهاردة انتهت وحدتك يا حبيبي ويتمك وضعفك".
واختتم سعد " النهاردة إنت هاتكون في حضن أغلي واعز الناس أمك وأبوك، النهاردة انت في أمان الله وفي رحمة الرحمن، النهاردة البداية مش النهاية طريق سفرك كان قصير وصعب خلي الحبايب تشبع من حضنك وانعم بنعمة الحب الصادق والقرب من الرحمن الرحيم واحنا ما حليتناش حاجة غير شوية حزن وجرح جديد والدعاء ليك وانا بادعيلك بكل صدق بالرحمة والخير وان كان الطريق طويل او قصير في يوم هنتلاقي، سلام".
"بعد رحيل هيثم أحمد زكي".. عائلة "النمر الأسود" أصبحت ذكرى للتاريخ فقط
وكان الفنان أشرف زكي، نقيب المهن التمثيلية، كشف عن أن الوفاة طبيعية حيث تعرض هيثم أحمد زكى إلى هبوط حاد فى الدورة الدموية ومن ثم تم تحديد موعد الجنازة اليوم بمصطفى محمود.
وأكد الفنان أشرف زكى، أنه تم تحديد موعد جنازة الفنان الراحل هيثم أحمد زكى اليوم الخميس بمسجد مصطفى محمود فى صلاة الظهر.
تابعوا أخبار بلدنا اليوم على Google News
