علقت الفنانة إيمان السيد على الجدل المثار بسبب تصريحات المخرجة كاملة أبو ذكري حول غرور بعض الأبطال المبتدئين في مسلسل "بـ 100 وش".
كتبت إيمان عبر حسابها على فيس بوك: "بمناسبة البوست بتاع كاملة أبوذكري عن إنها سمعت ان بعض الممثلين اللي كانوا معاها أصابهم الغرور وكدا لما بشوف حد من الزملا اللي لسة بيبتدوا وعمل حاجة الناس اتكلمت عليها أو اشتغل في عمل نجح مع الناس وأشوف أسلوبه في التعامل في لوكيشن التصوير مع الناس وخاصة لو معانا حد مبتدئ زيه أو زيها شخصياً من فترة مش بعيدة وخصوصا لما أكون اشتغلت مع الشخص دا قبل النقلة النوعية دي وأشوف الفرق في التصرفات والتعالي على الناس، أنا مش بابقى عارفة مين فينا اللي غلط".
أضافت: "طول عمري الناس بيقولوا لي حِسي باللي أنتي فيه من أول ما ظهرت وياما اتكتب عني حلو كتييير مسرح وسينما وتلفزيون من ناس كبار، من أول ناس قالت إني كنت سبب في نجاح قناة كاملة، وكان مجلس ادارة القناة بيشترط وجودي لعمل اي جزء جديد وكنت لو اشترطوا إني أطلع في ما لا يقل عن ١٥ حلقة من الـ ٢٠ بطلب إني أطلع في ٧ حلقات فقط بس تكون أفكارهم كويسة)، مروراً بالسنة اللي عملت فيها أهل كايرو وزهايمر وبيت العيلة والآنسة مامي وغيرهم".
تابعت: "وشوفت ردود أفعال حلوة كتير على شغلي من قبل السوشيال ميديا ما يكون لها تأثير بالشكل دا، وحاجات كتير الحمدلله عملتها وردود أفعال شوفتها وعمري أسلوبي ما اختلف حتى لو بعض الناس مش بتقدر دا، وبجد مش عارفة مين فينا اللي غلط؟ لكن اللي انا اعرفه اني انا شخصياً مش هابقى مرتاحة لو اتعاملت غير بطبيعتي".
كانت المخرجة كاملة أبو ذكري قد فاجأت متابعيها عبر موقع facebook بتوجيه انتقادات حادة لبعض أبطال مسلسلها "بـ100 وش" مشيرة إليهم بالوجوه الجديدة.
وقالت أبو ذكري في منشورها: "عرفت وسمعت واتأكدت إن بعض الممثلين المبتدئين من مسلسل بـ100 وش بعد النجاح الفظيع المريع لمسلسل بـ100 وش شافوا نفسهم والغرور سيطر على تصرفاتهم عايزه أقول لكم خسارة الغرور مقبرة الفنان زي ما قال لنا يوسف شاهينً ده أنتم لسه الناس ما تعرفش أساميكم الحقيقية وبتشاور عليكم باسم الشخصية إلى قدمتوها الغرور ممكن يقتلكم وغرور ليه أنتم مين أصلا كلنا مين أصلا دكتور مجدي يعقوب متواضع ولما تتكلم معاه بيحط راسه في الأرض مجدي يعقوب بجلالة قدره وربنا يهدي".
اقرأ ايضاً| اليوم.. عرض الحلقة التاسعة من مسلسل ابنة السفير 2
اقرأ ايضاً| ريم عبدالله تهاجم مقلديها: تستنسخون جمالي يا ويلكم من اللّه (فيديو)
تابعوا أخبار بلدنا اليوم على Google News
