زوجة تخلع زوجها: "بيلبس كلسون ولما جبت له بوكسر رفضه"

أثار جدل داخل ساحات محكمة الأسرة، ولفتت انتباه الجميع، بسبب دعواها التي رفعتها، والتي تحمل رقم 1588/ 2018، ضد زوجها، بسب استحالة العيش معه، لاختلاف الثقافة والتربية، مبررة ذلك: " برا البيت بيكون شيك والناس مبسوطة بيه، لكن جوا البيت بيلبس كلسون أبيض".

زواج لم يستمر عدة أشهر، ولم تتحمل المعيشة، فأقدمت «نانيس. ع» البالغة من العمر 33 عامًا، ربة منزل، على إقامة دعوى خلع ضد زوجها «أسامة. م» 43 عامًا، مهندس مدني، بسبب استحالة العشرة بينهما، بسبب اختلاف الثقافة والتربية.

تقول الزوجة الثلاثينية، أن العلاقة بدأت بينهما منذ نحو 11 شهرًا، انتهت بالموافقة على الزواج بين الطرفين، لكن الخلافات بينهما بدأت سريعًا: «اتعرفنا على بعض في المكتب بتاعه كنت عايزة أجدد شقتي وجارتي نصحتني أروحله وحصل خلاف بيني وبين أحد مساعديه واشتكيت له وبدأت علاقتنا بعد ما خلصت الشقة.. انجذبنا لبعض بسبب ظروفنا المتشابهه لأن إحنا الاتنين مطلقين وعندنا أولاد».

خلافات بدأت بعد الزواج مباشرة، مضيفة: «أكتر حاجة عجبتني فيه فترة التعارف بينا إنه كان مودرن وذوق ومش شرقي عشان كدا فكرت ارتبط بيه.. كان متقبل طريقة لبسي وتعاملي مع الناس وإني بدخن عادي.. لكن من أول ما سافرنا شهر العسل وبدأت شخصيته الحقيقية تبان كل الأقنعة اللي حاططها وقعت لأن متلبسيش ده بتكلمي ده ليه كدا صوت ضحكتك عالية مع إن ده كان عادي قبل كدا.. ومقارنتي بمراته الأولى أصلها كانت بتعمل وتخلي وكانت محجبة ومش عارف إيه».

مشاحنات بين الزوجين خلال فترة زواجهما، توضح الزوجة الثلاثينية: «عايزني أتعامل معاه على إنه سي السيد وأعمل كل حاجة بمزاجه ومشوفش صحباتي ولا أروح النادي عشان أنا ست متجوزة وميصحش أدخل وأخرج من غير جوزي.. حتى طريقته في البيت كأنه راجل فلاح في الأرض بيلبس كلسون أبيض ولما جبتله بوكسر رفض يلبسه بحجة ده للعيال الفرافير هما اللي بيلبسوه مش راجل محترم وبيقعد قدام الشغالة ياكل على الأرض.. بس أهم حاجة برا البيت بيه عربية وساعة وبرفان يجنن وببدلة شيك جدا لكن البدلة تحتها كلسون أبيض وعقله كمان جواه راجل شرقي.. مقدرتش أتحمل الازدواجية دي أنا شابة صغيرة وعايزة راجل استمتع بحياتي معاه.. فلجأت لمحكمة الأسرة لأنه بقاله شهرين مش بييجي البيت ورافض يطلقني».