تداول رواد موقع التواصل الاجتماعي فيديو، لشقيق الهارب محمد علي، قال فيه إنه قرر أن ينشر هذه الكليبات، بسبب نفاذ صبره، وأن الأمر تعدى حدوده، مشيراً إلى أنه كالآخرين وجد كليبات ومرة واحدة، لقيت كله بيقول "المناضل".
وخاطب الهارب محمد علي قائلا:" مناضل ايه؟، مناضل ايه يا محمد يا على انت هتشتغلنا ولا ايه، ده انا اخوك بقى، مناضل فورموند ولا مارينا في الجات، ولا اللانش كنت مناضل، ولا كنت بشوفك تروح القرى والنجوع تناضل فيها، ولا مارينا كنت بتناضل هناك عند الفيلا بالجيت".
وتابع: " لو انت حضرتك بقى مناضل وتمام، والفلوس تمام وشايف الحياة تمام، اللي خلاني أعمل الفيديوهات دي يا محمد بس عشان دماغك، انتا ما بتردش أصلا علينا، فانت وصلت إن الموضوع نتفضح أنت فضحتنا، فهنفضح بعض بقى، يعني النجم بيقول أنا ابن البلد، وحي والرجولة وبتاع، طيب وهو الرجولة تعمل بلوكات لعيلتك، تخليهم مش عارفين يوصلوا لك، وتخلي أبوك لسانه يدلدل، عشان يوصلك وفي الآخر سكرتير هو اللي يكلمه، يقوله أصل الباشا مش فاضي، وقاعد بيعيط لك ويقولك فلوس العيال، فلوس أخوك الميت، وأمك اللي راحت ترفع قضية يا محمد، وقاعدة بتعيط لك وبتبوس رجلك، وانت ما بتردش، بتخلي ناس هي اللي تكلمهم عشان الباشا مش فاضي، انتا باشا، ده أنا مش عارف أوصل لك، ده أنا أخوك مش عارف أوصل لك".
وواصل: " فما تعمليش بقى بلطجي و ابن بلد وبتاع ومش عارف ايه، لا بقى دي مش أخلاق ابن بلد ومتعمليش مناضل لا مناضل ايه، وانت بتتكلم وتقول هي الناس زعلانة عشان عربية فيراري بتاعت ميسي أديلكم حقها، لا طبعا مش عايزين حقها، ابعد أي حاجة، أنا بكلمك بقى وش لوش".
واستكمل:" ما تجيب فلوس الراجل اللي ميت، وعياله دول قاعدين بيلموا لهم عشان يدخلوهم المدرسة، يا أخي انت خليت الواحد يتكلم في كلام ايه اللي انتاب تعمله ده، فالصبر نفد، انا مشوفتش حضرتك مناضل، أنا شايف فورموند مارينا، لانشات، فلل، نسوان، مش هنتكلم بقى، مش عايز اتكلم، اللي جي كتير"
وتساءل": مناضل دي طلعت امتى؟، وشابف الدنيا اشترى عربية ميسي، ده اشترى بيعمل مش عارف ايه، طيب يا جماعة اللي بيعمل كده طيب ما يدي فلوس للغلابة، نفرض إن أخوك ده راجل غلبان، ومعندوش فلوس وانت راجل مقتدر، ما تقوفش جنب العيال المرميين في الشارع دول، لا ده زاد وغطى ده انت واخد فلوسه، يعني انت مش لاقي تاكل، فانت روحت واخد فلوسه عشان تشتري عربيات، وتقعد تعمل كليبات، انت بجد جنون الشهرة عاميك".
وأردف:" ده أنا أخوك، أنا مش عايز اتكلم وأقول انت كنت بتعمل ايه، عشان تطلع في لقطتين تلاتة، مش هتكلم، الموضوع بقى صعب جداً وبقى أووفر، فانت كنت بتعمل حاجات عشان تطلع، يعني واحد ساب شغله وقعد يجري ورا تمثيل، وبيعمل حاجات مش طبيعية، فانت يروح موصلك، لقيت نفسك بعد اللي انت عملته لقيت نفسك مغمور، ومافيش حد عارفك، طب اعمل ايه، اتكلم زي الناس الهبلة، عشان الناس بقى تشوفني، فافتح في اي كلام، لا انت جيت في سكة مقفولة".
تابعوا أخبار بلدنا اليوم على Google News
