بالفيديو.. "الموديل المصرية" تكشف تفاصيل تحرش عمرو وردة

نشرت الموديل المصرية، ميريهان، التي اتهمت لاعب منتخب مصر الوطني، عمرو وردة، بالتحرش بها عبر حسابها على "انستجرام"، فيديو للكشف عن تفاصيل ما حدث .

وقالت ميريهان في الفيديو: "أول حاجة، اللي حصل واللي ناس لازم تفهمه إني عايشة برة مصر، بقالي كتير جدًا، ومعلوماتي عن الكرة صفر في مصر، معرفش أي حاجة.. ممكن أخر حدود معلوماتي بيبو وبشير.. كنت منزلة ستوري على انستجرام، وبعد 3 دقايق أو أربعة، لقيت 5 أو 6 شافوا الأستوري، وكلهم عليهم العلامة الزرقاء اللي هي بتاعت شخصية عامة أو معروف، فقولت أشوف مين دول.. وكانوا مجهولين بالنسبة ليا".

وتابعت: "فلما سألت حد من صحابي قالولي إنهم بيلعبوا في المنتخب الوطني، فدخلت أشوف صفحاتهم لقيت المتفق بيهم فعلًا إنهم بيلعبوا في المنتخب الوطني فاستغربت ايه اللي جابهم عندي على الأكونت.. فلقيت رسالة جاية فمردتش.. شوية ولقيت رسالة جاية من الشخص التاني بتاع الضحك وكان رد على الأستوري".

وواصلت: "شوفت الرسالة ومردتش فقالي بعدها إنتي متعرفيش أنا مين أنا محدش يقولي لا بعد كده شتايم وقباحة بألفاظ بذيئة جدًا متتقالش ".

وكانت الموديل المصرية، ميريهان، قد اتهمت لاعب المنتخب الوطني، المحترف في صفوف أتروميتوس اليوناني، عمرو وردة، بالتحرش .