بالفيديو..سمية الخشاب: "ريم البارودى ماسكة على أحمد سعد حاجات خايف منها"

حلت الفنانة سمية الخشاب ضيفة في الحلقة العاشرة من برنامج "شيخ الحارة" والذي تقدمه الإعلامية بسمة وهبة، ويذاع عبر فضائية القاهرة والناس، وكشفت الفنانة العديد عن امورها الشخصية وسر زواجها من أحمد سعد موجهة له عدة رسائل من خلال البرنامج، كما كشفت أنها استئصلت الطحال من اجل أحمد سعد .

واستطردت الفنانة سمية الخشاب، خلال لقائها مع الإعلامية بسمة وهبة في الحلقة العاشرة من برنامج "شيخ الحارة" والمذاع على قناة القاهرة والناس قائلة: "اللي بيعمله أحمد سعد ده اسمه تهريج، حد يقوله يسكت خالص، اسكت خالص أفضلك تسكت، بتتكلم عن مين انت؟ ازاي محدش قاله اسكت يا حبيبي؟ هما حقيقي بيغرقوه وخليه يغرق"، وعقبت سمية قائلة: "أنا حقيقي آسفة جدا إني بقول الكلام ده، وزعلانة، ومكنتش أحب إني أقول الكلام ده، ومكنتش أحب إن حياتي تبقى على الملأ"، وتابعت سمية الخشاب فى برنامج شيخ الحارة مع سمية الخشاب على القاهرة والناس: "طول عمري محدش يعرف عني حاجة لأني بشوف إن الفنان حياته الخاص ملكه وخصوصياته تحترم، أنا اتجوزت واتطلقت أكتر من مرة والناس محترمين جدا محدش اتكلم عني وحش فيهم، وخلصنا بالهدوء وبالمعروف وربنا يسعدهم ويسعدني ويوفقهم، ومحدش سمع عني حاجة".

وأضافت سمية الخشاب: "أحمد سعد عاوز يتكلم وعاوز يطلع في برامج، بعد طلاقي"، بس عاوزة أسأل سؤال: هيا ريم لما طلعت في البرامج، وقالت ما في الخمر عنه ليه متطلعش يرد عليها ليه وكان ساكت، ومطلعش يرد كرامة مراته ساعتها مع إنها اتكلمت عني وقتها".

وتابعت الفنانة سمية الخشاب خلال حوارها مع الإعلامية بسمة وهبي في برنامج "شيخ الحارة" والمذاع عبر فضائية القاهرة والناس، قائلة: ليه مقالش إنه اتجوزني بعد ما طلق ريم البارودي بوقت، ولا دلوقت طلع ليه لسان؟ ومش أنا اللي رديت لما طلبتي اني اطلع في الحلقة وهو كذاب لما قال اني رفضت أطلع، وهو خاف يطلع معاكي يا بسمة عشان هيا كانت ماسكة عليه حاجات وذلل وخايف منها" علي حد تعبير سمية الخشاب في برنامج "شيخ الحارة".