السيسي: ”كل المصريين هياكلوا أورجانيك إن شاء الله”

قال الرئيس عبدالفتاح السيسي، إن تنفيذ المشروع القومي للصوب، على يد المصريين، يجعلهم يشعرون بالفخر والسعادة"، قائلًا: "هل المشروع ده ميخلكمش دايمًا تشعرون بالفخر والسعادة، كل القائمين على المشروع مصريين يا ترى ده ميحسسناش إننا بنتحرك بخطى جيدة؟".

وأضاف الرئيس السيسي، خلال افتتاح مشروع الصوب الزراعية بالعاشر من رمضان،  للمصريين: "يا ترى مشروع ال35 ألف فدان صوب اتكلف كام؟، لازم تبقوا سعداء وفخورين جدا يا مصريين، لما يكون حاجة أنجزناها مع بعضنا وتدينا أمل، وإذا كان 35 ألف فدان بيشغلوا 75 ألف عامل، طب لما نكمل الـ 100 الف فدان، هايوصل لـ 250 ألف عامل شغل حقيقى".

وتابع السيسي: "بنعمل كتير لينا ولشغلنا وحياتنا ومستقبلنا وبنعمل الحاجة زى ما انتو شوفتوا بشكل متكامل يعنى بنوفر كل المنظومة على بعض، وكان دايمًا يقولك فى السوبر ماركت الكبير ده "أورجانيك"، يعنى الناس تاكل أورجانيك وباقى المصريين مياكلوش أورجانيك ولا إيه؟، اللى معاه فلوس ياكل أورجانيك والباقى مياكلوش؟، لا.. إن شاء الله كله هايبقى كده، بس إجروا معانا علشان اللى تحقق النهاردة أمر يسعد ويشرف المصريين".