”السيسي” يطالب المصريين بتخفيف أوزانهم

صرح الرئيس عبد الفتاح السيسي، أنه تم إجراء المسح الطبي على 17 مليون مواطن في مبادرة "100 مليون صحة" للقضاء على فيروس سي والأمراض غير السارية، مؤكدًا أنه تم اكتشاف مشكلات صحية لدى 11.7 مليون مواطن.

وأضاف الرئيس السيسي: "يجب على الناس أن تأخذ بالها من نفسها.. أن المعيار اللى انت عاوز تطمن بيه على نفسك مش محتاج مسح.. شوف وزنك زيادة قد إيه؟ أى إنسان رجل أو ست، يشوف بطنه قد إيه، وهيعرف على طول.. دا كلام لازم نعمله للناس فى المدارس والجامعة والكنائس والمساجد، إننا بنفقد صحتنا.. ومش عشان التكلفة المالية.. لا كل حاجة ممكن تتدبر إلا الصحة متدبرش حتى فى الإعلام ضيوفنا فى البرامج فى التلفزيون عاملين ازاى؟.. كل واحد لازم يفتش أوى.. لما ادخل مكان ببص على حاجات متخطرش على بال وأقول إيه ده وإيه الناس دى.. الناس دى مش واخدة بالها من نفسها ليه إنت بتطلع السلم كدا؟. تقدر، أنا بتكلم على شباب مش ناس كبار فى السن و 70 سنة".

ويفتتح الرئيس السيسي، اليوم السبت، عددًا من المشروعات في مجال المياه والإسكان ومنها مشروع "المحروسة 1" أحد مشروعات تطوير العشوائيات، الذي بحي السلام بمحافظة القاهرة، تمهيدًا لإعلان مصر خالية من العشوائيات.

كما يفتتح الرئيس السيسي محطة معالجة مياه الصرف الصحي بالجبل الأصفر بالخانكة بمحافظة القليوبية، حيث تعد أكبر محطة معالجة بالشرق الأوسط وتقع على مساحة 78 فدانًا التي تعمل بالكامل إلكترونيا من داخل غرف التحكم، حيث تم الانتهاء من المرحلة الثانية منها وهي محطة الجبل الأصفر بالخانكة لمعالجة مياه الصرف الصحي وتبلغ طاقة معالجة الجزء الثاني من تلك المرحلة 500 ألف م3/يوم من مياه الصرف الصحي، وتخدم نحو 2.5 مليون نسمة.