السيسي يطالب برفع كفاءه شبكات الطرق بـ«قنا»

أكد الرئيس عبد الفتاح السيسى، على ضرورة رفع كفاءة شبكات الطرق فى مصر، قائلًا إن :"شبكة الطرق بالمحافظات تتطلب رفع كفاءتها وإلا أبقى أنا مش واخد بالى.. أنا واخد بالى كويس.. ولو بنتكلم على إن رفع كفاءة شبكة الطرق داخل المحافظات تتطلب 16 مليار، فاحنا عاوزين أكتر من الرقم ده مرة واتنين وتلاتة، حتى يجد المواطن طريقًا مناسبًا.. ودا مش موجود.. ولو قلتوا لى موجود هبقى سعيد".

 فيما قال أحد المواطنين إن الطرق متهالكة، ليعلق السيسي:"متهالكة يعنى عدمان بالعافية وأنا بقول الكلام  ليكم كلكم.. إحنا واخدين بالنا .. بس حجم المطلوب لرفع كفاءة هذه الطرق ضخم جدًا".

وأشار السيسي إلى أن حجم المطبات الصناعية الموجودة بالمحافظات معيق للحركة ومؤذى لأن مواصفاته غير جيدة، معقبًا :"تكلمنا قبل كدا عن مسابقة للجامعات والمدارس قبل العام الدراسى الجديد".

وتابع :"المحافظين هيقولوا لى هنجيب فلوس منين، طيب وأنا بجيب فلوس منين؟..طيب اللى بيتعمل ده منين.. كل ما نقوم به فى شبكة الطرق ليس بجديد، ولم نخترع العجلة، وفيه ناس كانت بتشتغل قبل مننا بس الفكرة هيتعمل ازاى ويتصرف عليه إزاى؟.. إحنا معانا فلوس زيادة فبنعمل طرق؟.. إحنا عاملينها عشان المسابقات؟.. لا عشان ناخد مكانًا بين العالم المتقدم ولإعلان قدراتنا فى الاستثمار، وسمعنا كلام كتير خلال الـ 5 سنوات الماضية لكن عارفين إنه مع الوقت الناس هتعرف اللى بتيعمل هيودينا لفين، وسيعرفون إذا كان ما كان ذلك أو حاجة ضرورية لخلق فرص عمل لعدد سكان وصل لـ 100 مليون".

وأضاف:"نحتاج داخل المحافظات لعمل مسابقة للطرق ونأخد 3 أو 6 شهور ونشوف المحافظات هتساعد نفسها ازاى عشان يعرفوا إن مفيش حاجة بتتعمل كدا، وكل واحد يعرف هو فين من الطرق، ولو قصرنا.. إنتوا كمان هتقصروا مع محافظتكم؟".

فيما قاطعه أحد الشباب قائلًا :" أهالى قنا يبعثون لك بالتحية"، فيما قال الرئيس :" لو عاوزين تحيونى ارفعوا كفاءة شبكة الطرق بتاعتكم".

موضوعات متعلقة..

السيسى يحقق إنجازًا جديدًا فى الفترة الرئاسية الثانية

بحضور السيسي.. بدء فعاليات افتتاح «الدائرى الإقليمى» ومشروعات محاور النيل

بث مباشر لافتتاح الدائرى الإقليمى ومحاور النيل بحضور السيسي

السيسي يكلف وزير النقل بتعويض المتضريين من نزع الملكية

النقل: مصر قفزت المركز الـ75 عالميًا في الطرق