الحكاية فيها «ميشيل».. سر عربيات محمد رمضان الفاخرة

بعد الجدل المثار حول أغنية محمد رمضان الجديدة «أنا الملك»، التي طؤحها امس عبر قناته الرسمية على موقع الفيديوهات الشهير YouTube وهي ثاني أغنياته بعد Number One، زعم إسلام الدمرداش، أحد نشطاء «فيس بوك»، أن سيارات محمد رمضان الفاخرة «لامبورجيني أفنتادور ورولز رويس جوست وفيراراي»، اشتراها مستعملة من أحد الأشخاص الذين كانوا يقتنون سيارات كثيرة بالإسكندرية ويدعى «ميشيل»، الذي يفضل عدم الحديث عن سياراته الكثيرة التي يملكها.

وكتبت «الدمرداش» عبر صفحته بفيس بوك قائلًا: «أنا بس مشكلتي مع الفنان محمد رمضان في حاجة، أن الكام عربية اللي هو بيستعرض علينا بيهم دول شاريهم مستعملين من واحد برنس في نفسه كده عندنا في الإسكندرية اسمه ميشيل، ده حد تقريبًا عنده قد دوول ٥ مرات حاجات أحدث من كده بكتير، يمكن باعهوملك علشان هو راجل بيركب الأحدث دايمًا، بس اللي انت ماتعرفهوش أن وأنا في إعدادي يعني من ١٥ سنة، كنت باخد درس جنب ڤيلا عم ميشيل الله يمسيه بالخير في سابا باشا على الترام وكان عنده Lamborghini Gallardo وFerrari Super America مركونين في الشارع قدام جراچه اللى كل مصر عارفاه».

وتابع في منشوره: «وحاجات تانية كتير ما وعاش عليها الفترة دي علشان كنت بلعب بيهم لما بأجر ساعة في السايبر Need For Speed قبل اختراع النت وقبل ما يدخل البيوت ونشوف معاليك انت واللي شبهك، والراجل ولا عمره قال أنا ملك ولا نزل حتى صور ليه جنب عربياته والناس هي اللي بتصوره في الشارع بالصدفة وهو معدي».