اتق شر من أحسنت إليه.. اعترافات قاتل 3 مصريين فى قطر

أقر المتهم بقتل 3 مصريين في قطر، باعترافات مثيرة أثناء التحقيقات حيث باشرت نيابة حوادث شرق القاهرة، التحريات في الواقعة واستمعت لأقوال شقيق إحدى المجني عليهم في حادث مقتل 3 مصريين فى قطر.

وأدلى المتهم الذي أنهى حياة 3 مصريين في قطر، باعترافات تفصيلية حول الحادث، بعد القبض عليه في مطار القاهرة، عقب عودته من قطر هاربا من جريمته، واتضح من التحريات أن المتهم يدعى “ت. م”، يعمل مبلط سيراميك.

وأوضح المتهم فى اعترافاته: "أنا سافرت قطر عشان أحضر كأس العالم، وبعدين قررت إني أهرب هناك، وفضلت موجود في قطر، وحاولت أدور على أي شغل لكن فشلت، وفضلت قاعد في الشوارع لحد ما قابلني 3 شباب اسمهم عبد السلام وجمعة وعلي، وعرفوا حكايتي وقالولي إحنا ولاد بلد واحدة وهناخدك معانا الشقة".

وقال المتهم في التحقيقات أمام نيابة: "أنا قولتلهم مش معايا أي فلوس خالص، ومش لاقي مكان أنام فيه، وروحنا الشقة كلنا، وجابولي أكل وبعدين قالولي هنحاول نشوف لك شغل، وساعتها عبد السلام وعلي كانوا بيدورا على شغل عشاني، لكن جمعة كان دايما قلقان مني ومش مرتاح لوجودي، وفضلت قاعد معاهم لحد نهاية شهر رمضان".

وأكمل حديثه قائلا: "في آخر رمضان بلغوني إنهم مش لاقيين شغل وأنا لازم أرجع، وإنهم هيساعدوني في الرجوع، وفعلا جمعة راح حجزلي تذكرة سفر للقاهرة، ورجع قالي إن ميعاد السفر رابع أيام عيد الفطر الساعة 6 الصبح، وبعدها خططت لارتكاب الجريمة عشان أسرق فلوسهم وأهرب".

واختتم قاتل 3 مصريين في قطر اعترافاته قائلا: "قبل السفر بكام ساعة روحت مسكت آلة حادة وقتلت بيها عبد السلام وأخوه جمعة وهما نايمين، وجمعت كل الفلوس والموبايلات بتاعتهم، وجيت أهرب لقيت علي صاحبهم داخل روحت قتلته هو كمان، وحطيت الجثث في أوضة وأخدت كل حاجة، وقعدت نضفت البيت كويس، وخرجت على المطار عدل، وأول ما خرجت من مطار القاهرة اتقبض عليا".