قصة الحرب الكلامية بين ميار الببلاوي و«الداعية والإعلامية»

حرب كلامية بين الإعلامية والفنانة ميار الببلاوي وأحد الشيوخ  عقب ظهورها مع الإعلامية بسمة وهبة.في برنامج "العرافة" في رمضان الماضي وحديثها عن طلاقها 11 مرة. 

بداية الأزمة

فتيل الأزمة بدأها الداعية الإسلامي محمد أبو بكر، والذي اتهمها فيه بالزنا بعد ظهورها في برنامج «العرافة» وتعقيبًا عما ورد عن لسانها بعودتها لزوجها بعد طلاق 11 مرة، ما دفع "الببلاوي" للخروج في "لايف" على حسابها عبر "فيسبوك" ودخلت في وصبة بكاء وعويل وصريخ، وأوضحت أن الداعية قال في حقها ما لم يكن صحيحًا وقررت على إثره اتخاذ إجراءات قانونية ضده بتهمة السب والقذف والتشهير.

الحرب بدأت 

دخلت بسمة وهبة على خط النار واشتبكت مع ميار الببلازي وقالت خلال مقطع فيديو نشرته عبر حسابها على "فيسبوك" وقالت "عمري الحقيقة ما رديت على حد حتى لو كلامه كدب وده بيحصل كتير أوي، في العرافة ناس كتير تكون طلعت وحلقاتها تكون معملتش تريند أو عملت تريند وعايزين تاني، فبيتقولوا حاجات لنفسهم ويعملوا فضايح لنفسهم في سبيل التريند" .

خليهم ياكلوا عيش

وتابعت «وهبة»: «أنا بطنش وأقول خليهم ياكلوا عيش، فيه كلام اتسرعتي وقلتي والنبي يا بسمة شيليه، وقلت لك من العين دي، وشيلت اللي طلبتيه، اطلعي كذبيني، لا تقربوا الصلاة، ساكتة ليه من يوم ما الحلقة اتعرضت ما دام مضايقة».

مبحبش اللي بيجي على الولايا

واستكملت بسمة وهبة حديثها خلال مقطع الفيديو "مبحبش اللي بيجي على الولايا، الشيخ وصل بيه الأمر أنه يوصفك بالزنا، بحب الأزهر ورجال الدين، ومبحبش حد يجي جنب شعرة منهم، دا مش نفس نهج سيدنا النبي أبدا، ولا دي طريقته، مينفعش الكلام اللي قلته دا بيتعارض مع الخطاب الديني، هاتلي 3 شهود غيرك يؤكدوا حكم الزنا".

البحث عن التريند

لم تسكت «الببلاوي»، وعبرت عن استيائها الشديد بعد اتهامات بسمة وهبة لها  بالبحث عن التريند، وكتبت منشورًا على حسابها عبر «فيسبوك» جاء فيه «رغم تحفظي على الجزء الأول واستخدام نفس الأسلوب اللى كان مزعلني ومخليني فاقدة تركيزي في الرد في الحلقة، إلا إنى هرد على الجزئية بتاعت البوليكة».

قالت ميار الببلاوي: «أنا بعد الحلقة مفتحتش بقى ولا اهتميت إيه اللى عمل تريند ولا لأ، أنا مكنتش مبسوطة بالحلقة عمومًا، لكن كنت مبسوطة بأنی هكون معاك، لأن أشهد الله إني بحبك جدًا فى الله لموقف عملتيه معايا في بدايتنا الإعلامية، وسابلك معزة في قلبي لإني مبنساش المعروف».

مكنش ينفع أسكت

وتابعت: «عمومًا طريقتك في الكلام عني مضايقاني أنا فعلًا متكلمتش رغم المصايب اللى حصلتلي بعد الحلقة لأني قولت شوية، والموضوع هيموت یعني مجریتش ورا تريند ولا فضحت نفسي ولا كذبت زي ما حضرتك تفضلتي، لكن بمجرد ما الشيخ اتكلم أيوه مكنش ينفع أسكت ولازم أدافع عن نفسى وأي حد كان بيقولي بسمة السبب بقولهم أنا روحت بإرادتي، وأنا اللي جاوبت على الأسئلة بس هى مكنتش بتدیني فرصة للتوضيح».

حاجات كتير اتمنتجت

واختتمت: «كنت مضايقة من الطريقة جدًا والأسلوب في الحلقة، ودا أفقدني تركیزي تمامًا، وبالنسبة للمونتاج قولت إن فى حاجات كتير اتمنتجت وده حضرتك أقريتي بيه، لكن ما قولتش إنك ركبتي صوت وكدا، بسمة شكرًا لنصيحتك لابني، وشكرًا على دفاعك عني، بس رجاء اتكلمي عني بطريقة غير كدا، لإنك عارفة إني مستاهلش أي إهانة ولا تجاوز، أسأل الله العظيم رب العرش الكريم أن يغفر لنا أجمعين وبرضه أحبك في الله».