من "جاهلين ومعاكم ملايين" لـ"كنت باخد جنيه بقشيش".. حرب كلامية بين عمر كمال ومتابعيه

حرب كلامية نسبت بين مطرب المهرجانات عمرو كمال ومتابعيه على السوشيال ميديا، وما بين اتهاماتٍ بالتباهي بثرائه الفاحش، وعدم مراعاة مشاعر الفقراء، ودفاعه عن نفسه بأن ثرواه وشهرته جاءت بعد سنوات من الشقاء والتعب لا تزال الحرب مستمرة. 

الشرارة الأولى

 بداية الشرارة كانت بصورة ظهر بها مطربي المهرجانات عمر كمال وحسن شاكوش وحمو بيكا أمام سيارتهم الفارهة، في حين أن سيارة "كمال" تبلغ قيمتها 10 ملايين جنيه، وتحمل لوحة معدنية بحروف اسمه "ع م ر"، وخلفت بعدها موجة من الانتقادات وحالة من الجدل على مواقع التواصل الاجتماعي.

إزاي جاهلين ومعاكم ملايين؟

لم يغض "كمال" الطرف عن إنتقادات الجمهور ورواد السوشيال ميديا، وظهر في فيديو يدافع فيه عن نفسه وأنتشر على مواقع التواصل كالنار في الهشيم، ليرد على سؤال "إزاي جاهلين ومعاكم ملايين؟". 

عمر كمال قال في الفيديو "كانت فين الناس وأنا شغال في البنزينة باخد جنيه واتنين بقشيش، اشمعنا أنا لما كنت شغال في بنزينة بجمع البقشيش بتاعي ماكنتش بشوف عربية مرسيدس ولا بي إم وأقول تلاقي أمه اللي جايبهاله.. ماكنتش بقول يا ريتني اتعلمت زيه علشان أجيب عربية زي دي،  اشمعنا كنت بقول الحمد لله ربنا يبارك له ويديله ويغني كل الناس".

أيام التعب والشقا

لم ينتهي دفاع عمر كمال عن نفسه وكشف ـنه قبل الشهرة عمل في العديج من المهن منها عامل في محل أحذية وفرد أمن لمدة 12 ساعة في اليوم.

يقول "كمال" في الفيديو "طول عمري بصرّف حالي.. الدنيا مابتحبش الكسلان واللي قاعد يندب حظه، أنا نزلت القاهرة بـ10 جنيه واشتغلت كاشير في محل بـ300 جنيه، وغنيت ودخلت في وسط الحياة علشان أمشي حالي، أنا هقعد أحط إيدي علي خدي وأقول الشهادة مانفعتنيش؟!". 

ردود المتابعين "تعاطف وسخرية ودبلوماسية" 

بعد الفيديو الذي دافع به عن نفسه أستطاع كسب تعاطف عدد كبير من الجمهور بينما تنوعت أراء آخرين ما بين السخرية والدبلومسية، وجاء تعليق من أحد المتابعين عبر مواقع التواصل الاجتماعي متعاطفا يقول "أنا بحب عمر كمال وربنا أراد إنه يبقى في المكان ده عشان هو قلبه حلو وسالك ربنا يرزقة ويرزق الناس كلها ويبعد عنا وعنكم الحاقدين اللي مستكترين نعم ربنا علينا الحمدلله". 

انت مغنى مش عالم نووي

بسلاح السخرية علق آخرون على حديثه في الفيديو المتداول، وكتب أحدهم: "عمر ربنا يكرمك ويرضيك بس انت مغنى مش عالم نووي، بلاش دور الواعظ والمدرب تنمية بشرية كلها بتشتغل وتتعب علشان الجنية بس انت بتغني مع راقصات مش عالم في ناسا بلاش أفلام".

وعن طريق الدبلوماسية قال آخر "هو قال الخلاصة خليلكم انتو البوستات وخلولنا احنا الشغل والحركة والشارع والدنيا مبتحبش الكسلان النداب، أهو بالبصيرة فاهم الحكمة والخلاصة اللي بتوع الشهادات مش عارفينها لسه".