ظهر الفنان تامر حسني لأول مرة لكي يرد على حمله المقاطعه والهجوم التي قام بها رواد التواصل الاجتماعي بعد إعلانه في رمضان 2024 لشركة شيبسي.
أول تعليق من تامر حسني بعد إعلان شيبسي
علق الفنان تامر حسني لأول مرة عن حمله الهجوم التي تعرض لها من قبل رواد التواصل الاجتماعي من خلال بوست عبر حسابه الرسمي على فيسبوك وقال: مساء الخير عليكم بقالي يومين بتابع اللي بيحصل و احتراماً للجميع انا بوضح حاجه بخصوص إعلان شيبسي الاخير .
تامر حسني
وأضاف:اولاً انا على قوة الشركه من سنتين قبل اي احداث و ده مش اول اعلان ده ثالث اعلان في عقدي ، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله
وأستكمل :ثانياً انا مضيت على عقد مكتوب فيه ان شيبسي شركه مصريه و لها سجل تجاري ضريبي مصري منفصل و البند قدامكم اهوه لصدق كلامي
وقال: ثالثاً و الاهم لاي حد بيشكك في انتمائي للقضيه الفلسطينيه هقوله انا من ٢٠ سنه و انا في ضهر القضيه و مش كلام و اغاني بس لاااااا …. انا روحت بنفسي معبر رفح اثناء الضرب لمساندة اهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً …!!
واختتم قائلا: اخيراً انا لما قررت اكون الوجه الاعلاني لشيبسى من سنتين لانه منتج مصري كل المصريين بيحبوه و البطاطس من الفلاحه المصريه و بيتباع في مصر بس و اتربينا عليه و الاهم ان الشخص البسيط يقدر يشتريه في ظل ظروفنا الاقتصاديه و اظن ده واضح في الاعلان ده كان شعوري الشخصي اتجاه الحمله وانا بمضيها من سنتين عشان كده كان واجب عليا التوضيح للجميع و للّي مش واصلاله الصوره بكل احترام .. و شكراً لكل اللي ردوا عني و هما مغمضين حقيقي انتوا نعمه كبيره من ربنا الف شكر و رمضان كريم على الجميع.
تابعوا أخبار بلدنا اليوم على Google News
